ខេត្តព្រៃវែង៖ ចាប់តាំងព្រឹកថ្ងៃពុធ ទី១៧ ខែមេសា ឆ្នាំ២០២៤ ក្រោមការដឹកនាំនិងបញ្ជាផ្ទាល់របស់ លោកឧត្តមសេនីយ៍ទោ ឈឿន ប៊ុនឆន ស្នងការ នៃស្នងការដ្ឋាននគរបាលខេត្តព្រៃវែង លោកវរសេនីយ៍ឯក សេង ពន្លក អធិការ នៃអធិការដ្ឋាននគរបាល ស្រុកពាមរក៍ លោកវរសេនីយ៍ឯក ជៃ សេងហ៊ាង អធិការ នៃអធិការដ្ឋាននគរបាល ស្រុកព្រះស្ដេច និងលោក រស់ សំអឿន អធិការ នៃអធិការដ្ឋាននគរបាល ស្រុកកំពង់ត្របែក ចំណុះស្នងការដ្ឋាននគរបាលខេត្តព្រៃវែង បានដឹកនាំកម្លាំងនគរបាលនិងកម្លាំងប្រជាការពារ ជាច្រើនរយនាក់ជួយសម្រួលចរាចរណ៍ តាមបណ្ដោយផ្លូវជាតិលេខ ១ ជាពិសេសត្រង់ចំណុចស្ពានអ្នកលឿង ដើម្បីបញ្ជៀសការកកស្ទះ បង្កភាពងាយស្រួលដល់បងប្អូនប្រជាពលរដ្ឋដែលធ្វើដំណើរទៅតាមដងផ្លូវ ត្រឡប់ពីស្រុកកំណើតទៅប្រកបមុខរបររកស៊ីនៅរាជធានីភ្នំពេញវិញ ទោះបីស្ថិតក្រោមកម្ដៅថ្ងៃក្ដៅខ្លាំងយ៉ាងណាក៏ដោយ នគរបាល នឹងប្រជាការពារខេត្តព្រៃវែង ខិតខំតស៊ូ ពុះពាររាល់ឧបសគ្គបំពេញភារកិច្ចទាំងយប់ទាំងថ្ងៃ នគរបាលខេត្តព្រៃវែងគ្រប់យ៉ាងគឺដើម្បីសន្ដិសុខសុវត្ថិភាពបងប្អូនប្រជាពលរដ្ឋទូទៅ៕
