(កំពង់ចាម) នៅរសៀលថ្ងៃទី១១ ខែឧសភា ឆ្នាំ២០២១ បន្ទាប់ពីអញ្ជើញចុះពិនិត្យស្ថានភាពភូមិសាស្ត្រនៅក្នុងស្រីសន្ធរ រួចមក
ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម និងជាប្រធានគណៈកម្មការខេត្តប្រយុទ្ធប្រឆាំងនឹងជំងឺកូវីដ-១៩ បានអញ្ជើញចូលរួមរំលែកទុក្ខដល់គ្រួសារលោក សុីម គង់ អភិបាលស្រុកស្រីសន្ធរ ដែលម្តាយបង្កើតរបស់គាត់ឈ្មោះ សូរ យាង បានទទួលមរណភាពកាលពីថ្ងៃទី១០ ខែឧសភា ឆ្នាំ២០២១ ដោយរោគាពាធ ក្នុងជន្មាយុ៨១ ឆ្នាំ ស្ថិតនៅក្នុងភូមិតាកុច ឃុំព្រែករំដេង ស្រុកស្រីសន្ធរ ខេត្តកំពង់ចាម។
