(សៀមរាប) :នៅព្រឹកថ្ងៃពុធ ១១រោច ខែភទ្របទ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី២១ ខែកញ្ញា ឆ្នាំ២០២២ លោក ប្រាក់ សោភ័ណ អភិបាលរងខេត្ត តំណាងដ៏ខ្ពង់ខ្ពស់ ឯកឧត្តម ទៀ សីហា អភិបាល នៃគណៈអភិបាលខេត្តសៀមរាប បានអនុញ្ញារឱ្យMr.Aroon Yingyongyut នាយកប្រតិបត្តិ CP តំបន់សៀមរាប និងក្រុមការងារ ជួបសម្តែងការគួសមដេីម្បីពិភាក្សារការងារ ដោយមានការចូលរួមពីលោក នាយករដ្ឋបាលសាលាខេត្ត និងមន្ត្រីពាក់ព័ន្ធ។
លោក អភិបាលរងខេត្ត បានថ្លែងអំណរគុណដល់ក្រុមហ៊ុន CP ដែលជានិច្ចកាលតែងតែជួយគាំទ្រដល់បងប្អូនប្រជាកសិករប្រកបរបរចិញ្ចឹមសត្វ ជាពិសេសក្រុមហ៊ុន ក៏បានចូលរួមចំណែកក្នុងការមនុស្សធម៌ជាមួយរដ្ឋបាលខេត្ត ដែលបានផ្តល់ជាសម្ភារៈ និងចំណីអាហារផ្សេងៗ ដើម្បីជួយឧបត្ថម្ភគាំទ្រដល់បងប្អូនប្រជាពលរដ្ឋ ដែលបានជួបវិបត្តិកូវីដ-១៩ និងគ្រោះធម្មជាតិផ្សេងៗក្នុងភូមិសាស្រ្តខេត្តសៀមរាបនាពេលកន្លងមក៕សហការី
