ប្រធានគណបក្សប្រជាជនកម្ពុជាខេត្តព្រៃវែង បានប្រកាសបញ្ជូលយុវជនជាសមាជិកថ្មីគណបក្ស នៃគណបក្សប្រជាជនកម្ពុជាក្រុងព្រៃវែងចំនួន៤២១នាក់

(ព្រៃវែង) នាព្រឹកនៅថ្ងៃទី២៤ ខែមិថុនា  ឆ្នាំ២០២៣នេះឯកឧត្តម ជា សុមេធី សមាជិកគណ:កម្មធិការកណ្ដាល ប្រធានគណ:កម្មាធិការបក្សប្រជាជនខេត្តព្រៃវែងនិងជាប្រធានក្រុមការងារយុវជនគណបក្សប្រជាជនកម្ពុជាខេត្តព្រៃវែង បានជាអធិបតីក្នុងពិធីប្រកាសបញ្ជូលយុវជនជាសមាជិកថ្មីគណបក្សចំនួន៤២១នាក់បន្ថែមទៀត របស់គណៈកម្មាធិការគណបក្សប្រជាជនកម្ពុជាក្រុងព្រៃវែង ដោយមានការចូលរួមពីលោក-លោកស្រីប្រធានក្រុមការងារយុវជនគណបក្សខេត្ត គណៈកម្មាធិការគណបក្សក្រុង ក្រុមការងារយុវជនគណបក្សក្រុង សង្កាត់ ជាមួយសមាជិកគណបក្សថ្មី នៅ​ស្នាក់ការគណបក្សប្រជាជនកម្ពុជាក្រុងព្រៃវែង។