(បន្ទាយមានជ័យ) ៖ បុរសម្នាក់ទៅយកសម្បុកឪម៉ាល់ ក៏ត្រូវសត្វឪម៉ាល់ទិចអស់១៣មេ ហើយត្រូវបញ្ជូនទៅមន្ទីរពេទ្យដើម្បីសង្គ្រោះស្រាប់តែបាត់អ្នកជំងឺរកមិនឃើញហើយក៏នាំគ្នាដើររក ប៉ុន្តែនៅតែរកមិនឃើញដដែល លុះព្រឹកឡើងស្រាប់តែអ្នកឃ្វាលគោប្រទះឃើញស្លា.ប់អណ្តែតប្រឡាយទៅហើយ បង្កឱ្យមានការភ្ញាក់ផ្អើលកាលពីព្រឹកថ្ងៃទី១៤ ខែសីហា ឆ្នាំ២០២៣ នៅចំណុចផ្លូវចូលវត្តអញ្ចាញ ស្ថិតក្នុងភូមិអញ្ចាញ ឃុំសំរោង ស្រុកអូរជ្រៅ។
លោកវរសេនីយ៍ឯក អ៊ឹម ភារៈ អធិការនគរបាលស្រុកអូរជ្រៅ បានប្រាប់ឱ្យដឹងថា សា.កស.ពជនរងគ្រោះខាងលើនេះមានឈ្មោះ ហាន ធារ៉ា ភេទប្រុស អាយុ៤១ឆ្នាំ រស់នៅភូមិគុត្តសត ឃុំគុត្តសោធ ស្រុកអូរជ្រៅ។
លោកអធិការនគរបាលស្រុកអូរជ្រៅ បញ្ជាក់ថា តាមសម្ដីប្រពន្ធជនរងគ្រោះប្រាប់ថា ប្តីរបស់គាត់ដើរផឹកស្រា.ស និងស្រាថ្នាំជាប្រចាំរាល់ថ្ងៃ លុះនៅថ្ងៃទី១១ ខែសីហា ឆ្នាំ២០២៣ ប្តីគាត់ស្រវឹងស្រា.សក៏បានទៅយកសម្បុកឪម៉ាល់ ហើយត្រូវមេឪម៉ាល់ទិចអស់ចំនួន១៣មេ បណ្ដាលឱ្យចង់សន្លប់ និងត្រូវបានបញ្ជូនទៅមន្ទីពេទ្យបង្អែកស្រុកអូរជ្រៅ ដើម្បីព្យាបាលផងដែរ។
លោកវរៈសេនីយ៍ឯក អ៊ឹម ភារៈ បានបញ្ជាក់បន្តថា នៅព្រឹកថ្ងៃទី១៣ ខែសីហា ឆ្នាំ២០២៣ គ្រូពេទ្យបានបាត់អ្នកជំងឺរកមិនឃើញនោះទេ ក៏បានផ្តល់ព័ត៌មានទៅសាច់ញាតិ ដើម្បីមកជួយរក ប៉ុន្តែនៅតែមិនឃើញដដែល លុះរហូតដល់វេលាម៉ោង៩ព្រឹក ថ្ងៃទី១៤ ខែសីហា ស្រាប់តែអ្នកឃ្វាលគោប្រទះឃើញសា.កស.ពអណ្តែតទឹកប្រឡាយតែម្ដង ហើយក៏បានប្រាប់សាច់ញាតិមកមើល គឺពិតជាជនរងគ្រោះដែលបាត់ខ្លួនពីមន្ទីរពេទ្យនោះពិតប្រាកដមែន។
ក្រោយពេលកើតហេតុ កម្លាំងនគរបាល និងមន្ត្រីសុខាភិបាល បានចុះមកពិនិត្យ និងធ្វើកោសល្យវិច្ច័យ រួចសន្និដ្ឋានថា ជនរងគ្រោះពិតជាស្លា.ប់ ដោយសារដើរធ្លាក់ចូលទឹក បណ្ដាលឱ្យលង់ទឹកខ្លួនឯងស្លា.ប់ពិតប្រាកដមែន ។ ក្រោយពីពិនិត្យរួច សមត្ថកិច្ចក៏បានប្រគល់ស.ពជនរងគ្រោះជូនសាច់ញាតិមកទទួលយកទៅធ្វើបុណ្យតាមប្រពៃណី៕ដោយ:ព្រំ ហន