(កំពង់ចាម) ៖ ឯកឧត្តម អ៊ុន ចាន់ដា សមាជិកគណៈកម្មាធិការកណ្តាលគណបក្សប្រជាជនកម្ពុជា និងជាប្រធាន គណៈកម្មាធិការបក្សខេត្តកំពង់ចាម បានជំរុញដល់តួអង្គទាំងប្រាំ រួមមាន មេឃុំ ស្មៀនឃុំ នាយប៉ុស្តិ៍នគរបាលរដ្ឋបាល ប្រធានមណ្ឌលសុខភាព និងនាយកសាលា ត្រូវរួមគ្នាថែរក្សាសុខសន្តិភាព ស្ថិរភាពនយោបាយនៅមូលដ្ឋាន ពិសេសត្រូវលើកកម្ពស់ការផ្តល់សេវាជូនប្រជាពលរដ្ឋឲ្យបានល្អប្រសើរ និងការឆ្លើយតបតម្រូវការឱ្យចំគោលដៅ ក្នុងការកាត់បន្ថយភាពក្រីក្រ។
អនុសាសន៍បែបនេះ ត្រូវបានឯកឧត្តម អ៊ុន ចាន់ដា លើកឡើងនៅក្នុងពិធីប្រកាសសម្រួលភារកិច្ច និងតែងតាំង លោក អូត ឈាងលី ជាប្រធានគណៈកម្មាធិការគណបក្សប្រជាជនកម្ពុជាស្រុកបាធាយ ជំនួសលោក ផេន សុផល ដែលត្រូវទទួលភារកិច្ចថ្មី ស្ថិតនៅទីស្នាក់ការគណបក្សស្រុកបាធាយ នាព្រឹកថ្ងៃទី២៩ ខែវិច្ឆិកា ឆ្នាំ២០២៤ ។
