(ព្រៃវែង) ៖ ឯកឧត្តម សួន សុម៉ាលីន អភិបាល នៃគណ:អភិបាលខេត្តព្រៃវែង នៅថ្ងៃទី២៧ ខែមករា ឆ្នាំ២០២៥នេះ សេចក្តីណែនាំ ស្តីពីការរៀបចំសន្តិសុខ សណ្តាប់ធ្នាប់ សុវត្ថិភាព និងរបៀបរៀបរយសាធារណៈក្នុងឱកាសបុណ្យចូលឆ្នាំថ្មីប្រពៃណីចិន និងវៀតណាម ឆ្នាំ២០២៥ ក្នុងភូមិសាស្ត្រខេត្តព្រៃវែង។
រដ្ធបាលខេត្តព្រៃវែង មានកិត្តិយសសូមជម្រាបជូនដល់ អាជ្ញាធរគ្រប់លំដាប់ថ្នាក់ មន្ទីរ-អង្គភាព និងបងប្អូនប្រជាពលរដ្ធក្នុងខេត្តព្រៃវែង មេត្តាជ្រាបថា ដើម្បីរក្សាបាននូវសន្តិសុខ សណ្ដាប់ធ្នាប់ សុវត្តិភាព និងរបៀបរៀបរយសាធារណ:ក្នុងឱកាសបុណ្យចូលឆ្នាំថ្មីប្រពៃណីចិន-រៀតណាម ដែលនឹងប្រព្រឹត្តចាប់ពីថ្ងៃទី២៨ ដល់ថ្ងៃទី៣១ ខែមករា ឆ្នាំ២០២៥ខាងមុខនេះ រដ្ធបាលខេត្តព្រៃវែង សូមធ្វើការណែនាំដល់ អាជ្ញាធរគ្រប់លំដាប់ថ្នាក់ មន្ទីរ អង្គភាព នឹងបងប្អូនប្រជាពលរដ្ធក្នុងខេត្តព្រៃវែង ត្រូវអនុវត្តឲ្យបានមុឺងម៉ាត់ ដូចខាងក្រោម៖
