ឯកឧត្តម អ៊ុន ចាន់ដា បានបន្តដឹកនាំក្រុមការងារ អញ្ជើញចុះពិនិត្យផ្លូវក្រាលកៅស៊ូ ១ខ្សែ និងសមិទ្ធផលនានា ក្នុងវត្តព្រះវិហារ ដើម្បីត្រៀមសម្ពោធដាក់ឲ្យប្រើប្រាស់ជាផ្លូវការ នាពេលឆាប់ៗខាងមុខនេះ!

(កំពង់ចាម) ៖ ឯកឧត្តម អ៊ុន ចាន់ដា អភិបាល នៃគណ:អភិបាលខេត្តកំពង់ចាម បន្ទាប់ពីអញ្ជើញចុះជួបសួរសុខទុក្ខ លោកគ្រូ អ្នកគ្រូ និងសិស្សានុសិស្ស នៃសាលាបឋមសិក្សា ព្រៃញា នៅព្រឹកថ្ងៃសៅរ៍ ទី១ ខែឆ្នាំដដែល ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម បានបន្តដឹកនាំក្រុមការងារ អញ្ជើញចុះពិនិត្យផ្លូវក្រាលកៅស៊ូ ១ខ្សែ ប្រវែងជាង ៥.០០០ ម៉ែត្រ និងសមិទ្ធផលនានា ក្នុងវត្តព្រះវិហារ ស្ថិតក្នុងឃុំតាំងក្រសាំង ស្រុកបាធាយ ដើម្បីត្រៀមសម្ពោធដាក់ឲ្យប្រើប្រាស់ជាផ្លូវការ នាពេលឆាប់ៗខាងមុខនេះ។