ព្រៃវែង: រសៀលថ្ងៃទី០៤ ខែមេសា ឆ្នាំ២០២៥នេះឯកឧត្តម សួន សុម៉ាលីន អភិបាល នៃគណៈ អភិបាលខេត្តព្រៃវែង បានអញ្ជើញជួបសំណេះសំណាលសួរសុខទុក្ខ ដល់កងកម្លាំង កងវរសេនាតូចលេខ២២៩ និងពិសារអាហារសាមគ្គីដើម្បីអបអរសាទរបុណ្យចូលឆ្នាំថ្មីប្រពៃណីជាតិខ្មែរ ដែលស្ថិតនៅទីបញ្ជាការកងវរសេនាតូចលេខ២២៩ ភូមិពានី ឃុំល្វា ស្រុកព្រះសេ្ដច ខេត្តព្រៃវែង។
ឆ្លៀតក្នុងឱកាសនោះផងដែរ ឯកឧត្តមអភិបាលខេត្ត ក៏បាននាំយកអំណាយមួយចំនួនរួមមាន÷ អង្ករ ទឹកសុទ្ធ ភេសជ្ជៈ មី ត្រីខ និងថវិកាមួយចំនួន ដែលសរុបជាថវិកាចំនួន ២២.៩៥០.០០០រៀល ដើម្បីឧបត្ថម្ភជូនដល់កងកម្លាំង កងវរសេនាតូចនៅទីនោះ។
ក្នុងកិច្ចប្រជុំនោះដែរក៏មានការអញ្ជើញចូលរួមពីសំណាក់៖ ឯកឧត្តម លោកជំទាវ អភិបាលរងខេត្ត លោកនាយក នាយករងរដ្ឋបាលសាលាខេត្ត មេបញ្ជាការកងកម្លាំងទាំងបី ប្រធានមន្ទីរ-អង្គភាពជុំវិញខេត្ត អភិបាលស្រុកព្រះស្ដេច និងនាយកទីចាត់ការ ប្រធានអង្គភាព ប្រធានផ្នែកចំណុះរដ្ឋបាលខេត្តផងដែរ។
