កងកម្លាំងការពារតាមខ្សែបន្ទាត់ព្រំដែនត្រូវ បានការអញ្ជើញសាកសួរសុខទុក្ខពីសំណាក់ថ្នាក់ដឹកនាំក្នុងឱកាស បុណ្យកាន់បិណ្ឌ ភ្ជុំបិណ្ឌប្រពៃណីជាតិខ្មែរ

(បាត់ដំបង) ៖ នៅព្រឹកថ្ងៃទី២៦ ខែ កញ្ញា ឆ្នាំ២០២៤ នេះលោកឧត្តម​សេនីយ៍ទោ ដាញ់ អេងប៊ុនចាន់ ស្នងការនៃស្នងការដ្ឋាន នគរបាលខេត្តបាត់ដំបង អញ្ជើញអមដំណើរឯក​ឧត្តម អ៊ុយ រី ប្រធានក្រុមប្រឹក្សាខេត្តបាត់ដំបង ឯក​ឧត្តម សុខ លូអភិបាលនៃគណៈអភិបាលខេត្តបាត់​ដំបង សាកសួរសុខទុក្ខកងយោធពលខេមរៈភូមិន្ទនៃកងពលតូចថ្មើរជើងលេខ៥២កងការពារព្រំដែនលេខ៥០២និងកងកម្លាំងនគរបាលវរៈសេនាតូចការពារព្រំដែនគោកលេខ៣១០ លេខ៨២៣ ទិសស្រុក​សំឡូត ខេត្តបាត់ដំបង។

អញ្ជើញក្នុងពិធីនេះ មានឯកឧត្តម លោកជំទាវ សមា​ជិកក្រុមប្រឹក្សាខេត្ត គណៈអភិបាលខេត្ត មេបញ្ជាការកង កម្លាំងប្រដាប់អាវុធក្នុងខេត្ត ប្រធានមន្ទីរ អង្គភាពនានាជុំវិញខេត្ត និងកងកម្លាំងប្រដាប់អាវុធ ក្នុងអង្គ​ភាព​ពាក់ ព័ន្ធជាច្រើនទៀត។

បន្ទាប់ពីបានសំណេះសំណាលសាកសួរសុខទុក្ខ រួចមក​ ឯកឧត្តមគណៈប្រតិភូបានប្រគល់នូវ ថវិកា គ្រឿងឧបភោគ បរិភោគនិងភេសជ្ជៈជូនដល់អង្គភាព និងកងកម្លាំងយោធពលខេមរភូមិន្ទ កងកម្លាំងនគរ​បាលជាតិដែល កំពុងមានវត្តមានការពារបូរណ​ភាពទឹកដី ការពារខ្សែបន្ទាត់ព្រំដែន រក្សាសន្តិសុខសង្គម ជូនជាតិ ជូនប្រជាពលរដ្ឋ ប្រកបដោយការ​ទទួល​ខុស​ត្រូវខ្ពស់ផងដែរ ៕ដោយព្រំ ហន!