(កំពង់ចាម) ៖ នៅព្រឹកថ្ងៃទី១១ ខែមករា ឆ្នាំ២០២៣ ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម បានអញ្ជើញចូលរួមជាគណៈអធិបតីក្នុងកិច្ចប្រជុំសាមញ្ញ លើកទី៥៦ អាណត្តិទី៣ របស់ក្រុមប្រឹក្សាខេត្ត ក្រោមអធិបតីភាព ឯកឧត្តម ខ្លូត ផន ប្រធានក្រុមប្រឹក្សាខេត្ត នៅសាលប្រជុំសាលាខេត្ត ដោយមានការអញ្ជើញចូលរួមពីសំណាក់សមាជិកក្រុមប្រឹក្សាខេត្ត អភិបាលរងខេត្ត ថ្នាក់ដឹកនាំមន្ទីរវិស័យជុំវិញខេត្ត និងមន្ត្រីពាក់ព័ន្ធមួយចំនួន។
កិច្ចប្រជុំបានលើកយករបៀបវីរៈសំខាន់ ចំនួន៥ រួមមាន:
១.ពិនិត្យ និងអនុម័តសេចក្តីព្រាងកំណត់ហេតុ នៃកិច្ចប្រជុំសាមញ្ញលើកទី ៥៥អាណត្តិទី ៣ របស់ក្រុមប្រឹក្សាខេត្តកំពង់ចាម។
២.ពិនិត្យ និងអនុម័តសេចក្តីព្រាងកំណត់ហេតុ នៃកិច្ចប្រជុំសាមញ្ញលើកទី ១២ អាណត្តិទី ៣ របស់ក្រុមប្រឹក្សាខេត្តកំពង់ចាម។
៣.ពិនិត្យពិភាក្សា និងអនុម័តសេចក្តីព្រៀងរបាយការណ៍ ស្ដីពីការអនុវត្តការងារប្រចាំខែធ្នូឆ្នាំ ២០២៣ និងទិសដៅការងារប្រចាំខែមករា ឆ្នាំ ២០២៤ របស់រដ្ឋបាលខេត្តកំពង់ចាម។
៤.ពិនិត្យពិភាក្សា និងអនុម័តសេចក្តីព្រាងរបាយការណ៍សកម្មភាពរយៈពេល ៣ខែ (មករា-គុម្ភៈ-មីនា ឆ្នាំ ២០២៤ របស់រដ្ឋបាលខេត្ត។
៥.បញ្ហាផ្សេង រួមមាន:
- ការងារសន្តិសុខសណ្តាប់ធ្នាប់សាធារណ:
- ការងារបង្កបង្កេីនផលស្រូវរដូវប្រាំង និងវិធានការដោះស្រាយកង្វះខាតទឹក
- ការប្រមូលចំណូលសារពេីពន្ធ
- ការងារដោះស្រាយផលប៉ះពាល់គម្រោងលេីកកំរិតផ្លូវជាតិលេខ៧ ជា៤គន្លង៕
