(ភ្នំពេញ) ៖(ពត៌មានបឋម) តារា តិកតុកល្បីល្បាញ ជនជាតិចិន និយាយខ្មែរ ប៉ៃឡាំ ឈ្មោះ PafiDo បានបើករថយន្តទំនើប Lamborghini ពណ៌ទឹកក្រូច ស្លាកលេខ កម្ពុជា F.R.999 បុក ម៉ូតូ HONDA Dream ពាក់ស្លាកលេខ សៀមរាប 1V-9127បណ្តាលអោយបុរសជនជាតិខ្មែរអាយុ ២៨ឆ្នាំម្នាក់ ស្លា.ប់ភ្លាមៗ នៅមហាវិថី សហព័ន្ធរុស្សី នាវេលាម៉ោងជាង ១ រំលងអធ្រាត្រ ឈានចូល ថ្ងៃទី២៣ ខែកុម្ភៈ ឆ្នាំ២០២៤ ក្នុងសង្កាត់កាកាបទី១ ខណ្ឌពោធិសែនជ័យ រាជធានីភ្នំពេញ …។
ក្រោយកើតហេតុ ជនល្មើសបានបេីករថយន្តរត់គេចខ្លួនដល់ផ្លូវឌួងងៀប ហេីយទុករថយន្ដចោលឡេីងទៅរថយន្ដ BMW ពាក់ស្លាកលេខ កម្ពុជា Mr.TOMI មួយគ្រឿងទៀតដើម្បីរត់គេចខ្លួនបន្ថែម តែត្រូវសមត្ថកិច្ចឃាត់ បញ្ជូនទៅអធិកាខណ្ឌពោធិ៍សែនជ័យដេីម្បីធ្វើការសួរនាំនិងបន្តតាមនីតិវិធីច្បាប់។
សមត្ថកិច្ចជំនាញចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញចុះមកធ្វើការវាស់វែងយករថយន្ដ និងម៉ូតូរក្សាទុករង់ចាំការដោះស្រាយនៅពេលក្រោយ។រីឯសពជនរងគ្រោះប្រគល់ឲ្យសាច់ញាតិយកទៅធ្វើបុណ្យតាមប្រពៃណី។សហការី