(សៀមរាប) ៖ នៅថ្ងៃទី២៦ ខែកុម្ភៈ ឆ្នាំ២០២៤ នៅសណ្ឋាគារម៉េម័រ ខេត្តសៀមរាប សិក្ខាសាលាពិគ្រោះយោបល់លើ ” សេចក្តីព្រាងគោលការណ៍ណែនាំ ស្តីពីការរៀបចំផែនការអភិវឌ្ឍន៍ទេសចរណ៍ និងការវាយតម្លៃសមិទ្ធកម្មផែនការអភិវឌ្ឍន៍ទេសចរណ៍រាជធានី-ខេត្ត” ក្រោមអធិបតីភាពឯកឧត្តម កើត ពុទ្ធវរី អនុរដ្ឋលេខាធិការក្រសួងទេសចរណ៏ តំណាងដ៏ខ្ពស់ខ្ពង់របស់ឯកឧត្តម សុខ សូកេន រដ្ឋមន្រ្តីក្រសួងទេសចរណ៍ និងមានការរួមពីលោក ង៉ូវ សេងកាក់ អភិបាលរងខេត្ត តំណាងដ៏ខ្ពង់ខ្ពស់ ឯកឧត្តម ប្រាក់ សោភ័ណ អភិបាល នៃគណៈអភិបាលខត្តសៀមរាប ដោយមានការចូលរួមពីមន្ទីរ អង្គភាពពាកព័ន្ធ។
គោលការណ៍ណែនាំ ស្តីពីការរៀបចំផែនការអភិវឌ្ឍន៍ទេសចរណ៍រាជធានី-ខេត្ត ត្រូវបានរៀបចំទ្បើង ដើម្បីជាផែនទីចង្អុលផ្លូវដល់រដ្ឋបាលថ្នាក់ក្រោមជាតិ ក្នុងការរៀបចំកសាងផែនការអភិវឌ្ឍន៍ទេសចរណ៍តាមបណ្តារាជធានី-ខេត្តរបស់ខ្លួន ដើម្បីសិក្សាស្វែងយល់ ការកំណត់បញ្ហា និងការបង្កើតដំណោះស្រាយប្រកបដោយប្រសិទ្ធភាព ក្នុងអភិក្រម ” ភាពច្នៃប្រឌិតនៃការគិត” ។ ការរៀបចំផែនការអភិវឌ្ឍន៏ទេសចរណ៍របស់រាជធានី-ខេត្ត ប្រកបដោយសង្គិតភាព និងគ្រប់ជ្រុងជ្រោយនឹងផ្តល់នូវកាលានុវត្តភាពថ្មី សម្រាប់វិស័យទេសចរណ៍ដែលជាផលប្រយោជន៍រួមទាំងប្រជាពលរដ្ឋ-ភ្ញៀវទេសចរ និងការវិនិយោគក្នុងវិស័យទេសចរណ៍ ដើម្បីជាប្រទីបនៃផ្នត់គំនិតថ្មីៗក្នុងការរៀបចំជាកញ្ចប់ខ្សែទស្សនកិច្ចរួម និងបង្កភាពងាយស្រួលដល់ភ្ញៀវទេសចរក្នុងគោលបំណងដំណើរកម្សាន្តតាមបណ្តាតំបន់ទាំងនេះនាពេលអនាគត ។