(កំពង់ចាម) ឯកឧត្តម អ៊ុន ចាន់ដា អភិបាលនៃគណ:អភិបាលខេត្តកំពង់ចាម មិត្តល្អ មិត្តចេះជួយយកអាសាគ្នាក្នុងគ្រាលំបាក
ប្រជាពលរដ្ឋចំនួន ១៥០គ្រួសារ ដែលរងផលប៉ះពាល់យ៉ាងធ្ងន់ធ្ងរផ្នែកសេដ្ឋកិច្ចដោយសារវិបត្តិកូវីដ-១៩ ក្នុងក្រុងកំពង់ចាម នៅព្រឹកថ្ងៃទី១៩ ខែឧសភា ឆ្នាំ២០២១នេះ បានទទួលអំណោយមនុស្សធម៌ពីសមាគមធម្មកថិកកម្ពុជា ដែលមានព្រះគ្រូ វជិរប្បញ្ញោ សាន សុជា ជាព្រះប្រធានសមាគម
ដែលអំណោយមនុស្សធម៌នេះបានមកពីសទ្ធាជ្រះថ្លារបស់ព្រះសង្ឃ និងបងប្អូនខ្មែរនៅប្រទេសអូស្ត្រាលី សមាគមខ្មែរវិចតូរីយ៉ាសាជីវកម្ម និងសហព័ន្ធខ្មែរ ប្រចាំប្រទេសអូស្ត្រាលីផងដែរ។
ពិធីដ៏មានអត្ថន័យនេះ បានប្រារព្ធឡើងនៅក្នុងបរិវេណសាលាខេត្តកំពង់ចាម ក្រោមអធិបតីភាពឯកឧត្តម អ៊ុន ចាន់ដា អភិបាលនៃគណអភិបាលខេត្តកំពង់ចាម និងលោកជំទាវ ញ៉ូង ចចរិយា -ឯកឧត្ដម ខ្លូត ផន ប្រធានក្រុមប្រឹក្សាខេត្ត ដោយមានការចូលរួមពីថ្នាក់ដឹកនាំខេត្ត មន្ត្រីរាជការសាលាខេត្ត អាជ្ញាធរក្រុងកំពង់ចាម និងព្រះវត្តមាននិមន្តជាកិត្តិយសពីព្រះបដ្ឋនវង្សាចារ្យ សា វីរៈ អនុគណក្រុងកំពង់ចាម ភិក្ខុសីលសំរោ សេខ ឧត្តមបញ្ញា ប្រធានកម្មវិធីមនុស្សធម៏សមាគមធម្មកថិកកម្ពុជា។
គូរបញ្ជាក់ថា អំណោយដែលបានផ្ដល់ជូននាពេលនោះរួមមាន÷ អង្ករ ២៥គីឡូក្រាម -មី ១កេស -ត្រីខ ១យួរ -ទឹកត្រី ១យួរ -ទឹកស៊ីអ៊ីវ ១យូរ -ប្រេងឆា ១លីត្រ -ប៊ីចេង ០,៥០គីឡូក្រាម -អំបិល ១គីឡូ -ខ្ទឹមស ០,៥០គីឡូក្រាម និងថវិកា ៤០,០០០ រៀល។ ចៅ វង្ស I.K
