ព័ត៌មានជាតិ

សម្តេចតេជោ ហ៊ុន សែន អំពាវនាវដល់ប្រជាពលរដ្ឋការពារសុខភាពឱ្យខ្ពស់ ចំពោះមេរោគបំប្លែងខ្លួនថ្មី ប្រភេទអូមីក្រុង

(ភ្នំពេញ) :សម្តេចតេជោ ហ៊ុន សែន បានថ្លែងថា ក្រសួងសុខាភិបាលបានរកឃើញអ្នកឆ្លងជំងឺកូវីដ១៩ មានការថយចុះ តែទន្ទឹមនោះ ក៏មានរកឃើញមេរោគបំប្លែងខ្លួនថ្មី ប្រភេទអូមីក្រុង មានចំនួនដល់ទៅ ៨នាក់ ដែលជាករណីឆ្លងនាំចូលពីក្រៅប្រទេស បានធ្វើដំណើរចូលកម្ពុជា។

សម្តេចតេជោ ហ៊ុន សែន ថ្លែងបែបនេះ នៅព្រឹកថ្ងៃទី២៣ ខែធ្នូ ឆ្នាំ២០២១ នៅក្នុងឱកាសអញ្ជើញជាអធិបតីភាពដ៏ខ្ពង់ខ្ពស់សម្ពោធដាក់ឱ្យប្រើប្រាស់ជាផ្លូវការ អគាររដ្ឋបាលអគ្គនាយកដ្ឋានគយ និងរដ្ឋាករកម្ពុជា។

សម្តេចតេជោ ហ៊ុន សែន បានថ្លែងអំពាវនាវដល់ប្រជាពលរដ្ឋទាំងអស់កុំមានការការភ័យព្រួយបារម្ភខ្លាំងពេក ចាំបាច់ត្រូវបន្តគោរពវិធានការការពារសុខភាពរបស់ក្រសួងសុខាភិបាល ឱ្យបានម៉ឹងម៉ាត់ និងអនុវត្តអនាម័យឱ្យបានជាប្រចាំថ្ងៃ ជាពិសេសវិធានការ ៣កុំ និង៣ការពារ ជានិច្ច។

rsn

ឆ្លើយ​តប

អាសយដ្ឋាន​អ៊ីមែល​របស់​អ្នក​នឹង​មិន​ត្រូវ​ផ្សាយ​ទេ។