(ក្រចេះ) : កាលពីព្រឹកថ្ងៃទី១២ ខែមិថុនា ឆ្នាំ២០២២ មានករណីរថយន្តធំមួយគ្រឿងរេចង្កូតទៅបុករបងស្ថានីយ៍ថ្លឹងទម្ងន់រថយន្តកាំពី ដាច់អស់មួយកំណាត់ហើយជ្រុលទៅធ្លាក់ប្រឡាយទឹកក្រឡាប់ បណ្តាលឲ្យស្លាប់ព្រូរថយន្តម្នាក់ ស្ថិតនៅភូមិដីសម្បទានសំបុក ស្រុកចិត្របុរី ខេត្តក្រចេះ។
រថយន្តម៉ាក ហ៊ីយ៉ាន់ដាយ ពណ៌ខៀវ ពាក់ស្លាកលេខ ភ្នំពេញ 3C-9341 បានធ្វើដំណើរមកពីខេត្តរតនគីរី ដឹកជរ័យកទៅលក់ អ្នកបើកបរឈ្មោះ ទុយ ភារិទ្ធ ភេទ ប្រុស អាយុ ៣១ឆ្នាំ មានទីលំនៅភូមិវាលម្លូ ឃុំវាលម្លូ ស្រុកពញាក្រែក ខេត្តត្បូងឃ្មុំ ។
ជនរងគ្រោះជាព្រូឡានដែលបានស្លាប់មានឈ្មោះ រដ្ឋ មានិត ភេទប្រុស អាយុ ២១ឆ្នាំ មានទីលំនៅភូមិទីបួន ឃុំកាចាញ ក្រុងបានលុង ខេត្តរតនគិរី។
មូលហេតុ៖ សង្ស័យតៃកុងងោកមួយភាំង។
ក្រោយពីកើតហេតុសមត្ថកិច្ច បានចុះដល់ទីតាំងអន្តរាគមន៍ទាញយកសពចេញ ដើម្បីរង់ចាំសាច់ញាតិមកទទួលយកទៅធ្វើបុណ្យ៕សហការី
