(កំពង់ធំ) ៖ នៅថ្ងៃទី២១ ខែមីនា ឆ្នាំ២០២៣ មានពលរដ្ឋបានរាយការណ៍ប្រាប់សមត្ថកិច្ចថា មានរថយន្តចំនួន២គ្រឿងត្រូវគេជិះយកមកចតទុកចោលនៅលើចិញ្ចើមផ្លូវក្រាលក្រួសក្រហម ក្នុងចន្លោះពីឃុំត្រពាំងឫស្សី ស្រុកសន្ទុក ទៅកាន់ឃុំទំរីង ស្រុកសណ្តាន់ ចំណុចខាងកើតបង្គោលគីឡូម៉ែត្រលេខ៤៤ ប្រហែល១គីឡូម៉ែត្រក្នុងភូមិសាស្ត្រឃុំក្រយា ។
រថយន្តទាំង២គ្រឿងខាងលើនេះ មួយគ្រឿងម៉ាកហាយឡែនឌ័រ ពណ៌ស បែកកង់ក្រោយទាំង២
ពាក់ផ្លាកលេខ ភ្នំពេញ ២U-១០០៨ និងមួយគ្រឿងទៀតម៉ាក ស៊ីអ័រវី ពណ៌ទឹកប្រាក់ ពាក់ផ្លាកលេខ ភ្នំពេញ ២A-៦៤៥៣ ត្រូវបានគេយកមកប្លុងចោលនៅចំណុចខាងលើ ចំនួន៥ថ្ងៃមកហើយ ដោយមិនឃើញមានម្ចាស់មកយកវិញនោះទេ ។
Picture
ពាក់ព័ន្ធព័ត៌មាននេះ សម្រាប់អ្នកបាត់រថយន្ត ដែលមានភិនភាគដូចខាងលើ សូមមកទាក់ទងជាមួយនគរបាលប៉ុស្តិ៍ក្រយា ដើម្បីពិនិត្យមើល ក្រែងលោចោរលួចយកមកប្លុងចោល ឬមួយក៏មានបញ្ហាអ្វីកើតឡើង ចំពោះរថយន្តទាំង២គ្រឿងនេះ ៕សហការី
