(ព្រៃវែង) ៖ នៅព្រឹកថ្ងៃទី១៣ ខែកក្ដដា ឆ្នាំ២០២៣ ឯកឧត្តម ជា សុមេធី អភិបាលនៃគណ:អភិបាលខេត្តព្រៃវែង និងឯកឧត្តម សុខ ផេង អ្នកតំណាងរាស្ត្រមណ្ឌលព្រៃវែង ឯកឧត្ដម ហុឺ ប៉ាវី ប្រធានក្រុមការងាររាជរដ្ឋាភិបាលចុះមូលដ្ឋានស្រុកព្រះស្តេច បានអញ្ជើញជាអធិបតីក្នុងពិធីអបអរសាទរបុណ្យ “រុក្ខទិវា ០៩ កក្កដា ឆ្នាំ២០២៣” ថ្ងៃទី១៣ ខែកក្តដា ឆ្នាំ២០២៣ ស្ថិតនៅវត្តកំពង់សាលា ភូមិកំពង់សាលា ឃុំរំចេក ស្រុកព្រះស្តេច ដោយមានការអញ្ជើញចូលរួម ពីលោក លោកស្រីអភិបាលរងខេត្ត អភិបាលក្រុង-ស្រុកទាំង១៣ លោក លោកស្រីប្រធាន អនុប្រធានមន្ទីរអង្គភាពជុំវិញខេត្ត ព្រះសង្ឃ និងយុវជនស.ស.យ.ក យុវជនកាកបាទក្រហម យុវជនកាយរឹទ្ធិ សិស្សានុសិស្ស ជាច្រើនកុះករផងដែរ។
ការដាំដើមឈើ គឺជាសកម្មភាពដែលយើងទាំងអស់គ្នាត្រូវចូលរួម និងអភិរក្សប្រភពធនធាន ដ៏សំខាន់នេះឱ្យបានគង់វង្ស ដែលសម្ដេចតេជោ នាយករដ្ឋមន្ត្រី នៃព្រះរាជាណាចក្រកម្ពុជា តែងតែបានជម្រុញការអភិវឌ្ឍន៍តំបន់បៃតងនៅតាម បណ្តាក្រុង ស្រុកនីមួយៗ និងលើកទឹកចិត្តឱ្យមានយុទ្ធនាការដាំដើមឈើក្រោមពាក្យស្លោក “ដាំដើមឈើផ្ដើមចេញពីអ្នក” ឬ “ទេសចរម្នាក់ ដើមឈើមួយដើម “ONE TOURIST ONE TREE”។
បរិស្ថានបៃតងដេីម្បីទាំងអស់គ្នា ទាំងអស់គ្នាដេីម្បីបរិស្ថានបៃតង!