(សៀមរាប) ៖ កាលពីព្រឹកថ្ងៃទី២២ ខែវិច្ឆិកា ឆ្នាំ២០២៣នៅសាលាខេត្តសៀមរាប លោក ស៊ុន ចំណាន នាយករងរដ្ឋបាលសាលាខេត្តបានទទួលភេសជ្ជៈ និងគ្រឿងឧបភោគបរិភោគឧបត្ថម្ភពីក្រុមហ៊ុនធានារ៉ាប់រងអាយុជីវិត ដោយអ៊ុ ឈិ ឡាយហ្វី ដេីម្បីជូនដល់កីឡាករទូក “ង” ហនុមាន របស់រដ្ឋបាលខេត្តសៀមរាប។
លោក នាយករងរដ្ឋបាល ក៏បានថ្លែងអំណរគុណយ៉ាងជ្រាលជ្រៅចំពោះក្រុមហ៊ុនធានារ៉ាប់រងអាយុជីវិត ដោយអ៊ុ ឈិ ឡាយហ្វី ដែលបានយកអំណោយទាំងនេះមកឧបត្ថម្ភដល់កីឡាករទូក “ង” ហនុមានរបស់រដ្ឋបាលខេត្តសៀមរាប។
អំណោយដែលក្រុមហ៊ុនឧបត្ថម្ភរួមមាន អាវចំនួន៦០ មួក ៣០ ទឹកសុទ្ធ ១០កេស មី ១០កេស ទឹកត្រី ២យួរ អង្ករ ២បេ និងត្រីខ ចំនួន៥យួរ៕
