(បន្ទាយមានជ័យ) ៖ បុរសចំណាស់ម្នាក់ធ្វើសកម្មភាពលួចទូរស័ព្ទអាយហ្វូន១៥ក្នុង១ថ្ងៃបាន២គ្រឿង ហើយត្រូវម្ចាស់តាមទាន់ តែក៏បានអនុគ្រោះដោយមិនយកទោសពៃទេ គ្រាន់តែព្រមាន ។ ហេតុការណ៍នេះ កើតឡើងនៅថ្ងៃទី២៨ ខែតុលា ឆ្នាំ២០២៤ ស្ថិតនៅសង្កាត់-ក្រុងប៉ោយប៉ែត។
បើតាមម្ចាស់ទូរស័ព្ទបានប្រាប់ថា នៅពេលជនសង្ស័យដែលជាបុរសចំណាស់ម្នាក់ជាជនជាតិវៀតណាមនិយាយភាសាខ្មែរមិនច្បាស់ បានចូលទិញអីវ៉ាន់ក្នុងតូបរបស់គាត់ នៅពេលដែលប្រពន្ធគាត់លក់ម្នាក់ឯង ហើយចង្អុលយកនេះយកនោះ ពេលគេទៅយកក៏បន្លំយកទូរស័ព្ទអាយហ្វូន១៥ចំនួន១គ្រឿងគេចបាត់ ។ តែសំណាងទូរស័ព្ទប្រើកូដសម្ងាត់ និងភ្ជាប់ប្រព័ន្ធតាមទាន់ចាប់បាននៅតាមផ្លូវ ត្រូវបានយកទូរស័ព្ទមកវិញភ្លាមៗនៅចំណុចផ្សារយួន ។
ម្ចាស់ទូរស័ព្ទបន្តថា ក្រោយតាមទាន់បុរសជនជាតិវៀតណាមម្នាក់នេះ គាត់បានអង្វ.កសុំកុំយកទោសពៃ សុខចិត្តប្រគល់ជូនទូរស័ព្ទអោយវិញ តែម្ចាស់ទូរស័ព្ទដោយឃើញគាត់ចាស់ហើយនិយាយថា គាត់មានជំងឺផង ទើបអភ័យទោសឱ្យ តែបានព្រមានថា «ចង់ជាប់គុក ឬយ៉ាងណា បានដើរលួចគេ? លើកនេះអនុគ្រោះអោយបាន តែលើកក្រោយប្រហែលចាប់បញ្ជូនទៅសមត្ថកិច្ចចាត់ការតាមច្បាប់ហើយ ។
ប្រជាពលរដ្ឋប្រាប់ដែរថា ចោរលួចទូរស័ព្ទម្នាក់នេះ គឺជាមុខសញ្ញាលួចទូរស័ព្ទយ៉ាងសកម្មនៅក្រុងប៉ោយប៉ែត ។ ថ្ងៃនេះលួចទូរស័ព្ទបាន២កន្លែងបានទូរស័ព្ទ២គ្រឿងហើយ ដែលចូលទិញអីវ៉ាន់បន្លំយកទូរស័ព្ទរបស់បុរសម្នាក់បាន ហើយធ្វើសកម្មភាពចូលទិញអីវ៉ាន់ក្នុងតូបស្ត្រីម្នាក់ទៀត បន្លំយកទូរស័ព្ទអាយហ្វូន១៥ចំនួន១គ្រឿងទៀត តែត្រូវបានប្តីគេតាមទាន់យកបានមកវិញ មិនគួរលើកលែងអោយឡើយ ព្រោះជាមុខសញ្ញាលួចទូរស័ព្ទយ៉ាងសកម្មក្រុងប៉ោយប៉ែត។សហការី
