(ព្រៃវែង) ៖ នៅថ្ងៃទី៧ ខែមករា ឆ្នាំ២០២៥ ឯកឧត្តម សួន សុម៉ាលីន អភិបាល នៃគណ:អភិបាលខេត្តព្រៃវែង និងលោក ស្បោង សារ៉ាត ប្រធានគណៈកម្មាធិការគណបក្សខេត្ត បានអញ្ជើញជាអធិបតីក្នុង អង្គមីទ្ទិញអបអរសាទរ ខួបទី៤៦ នៃទិវាជ័យជម្នះ ៧ មករា នៅបរិវេណសួនច្បារសម្តេចក្រឡាហោម ស ខេង ស្ថិតនៅភូមិលេខ១ សង្កាត់កំពង់លាវ ក្រុងព្រៃវែង ខេត្តព្រៃវែង។
យើងខ្ញុំ សូមចងចាំនូវវីរភាពដ៏អង់អាចក្លាហាន តស៊ូ និងលះបង់គ្រប់បែបយ៉ាងរបស់យុទ្ធជនដែលបានពលី និងខិតខំយ៉ាងលំបាកបំផុត ព្រមទាំងឆ្លងកាត់គ្រប់ឧបសគ្គ ដេីម្បីរំដោះប្រទេសពីរណ្តៅមរណ:នៃរបបដ៏ខ្មៅងងឹត ៣ឆ្នាំ ៨ខែ ២០ថ្ងៃ។
៧ មករា គឺជាថ្ងៃកំណើតទី២ របស់យើងទាំងអស់គ្នា ហើយក៏ជាថ្ងៃនៃការចងចាំនូវមហាវីរភាព ដឹងគុណដល់ការតស៊ូរបស់យុវជនជំនាន់មុន បន្សល់ទុកមរតកនៃជីវិតប្រជាជនខ្មែរ ហេីយជាមូលដ្ឋានគ្រឹះសម្រាប់កម្ពុជា បច្ចុប្បន្ន ជាពិសេសបានឱ្យគេស្គាល់កម្ពុជា មិនត្រឹមតែជាវាលពិឃាត មកស្គាល់ កម្ពុជា ជាប្រទេសដែលពោរពេញដោយសន្តិភាព និងការអភិវឌ្ឍលេីគ្រប់វិស័យ។
សមាសភាពនិមន្ត អញ្ជើញចូលរួមក្នុងអង្គមីទ្ទិញនេះរួមមាន÷ ព្រះសង្ឃ សមាជិកគណៈអចិន្ត្រៃយ៍គណៈកម្មាធិការគណបក្សខេត្ត ឯកឧត្តម លោកជំទាវ សមាជិកក្រុមប្រឹក្សាខេត្ត ឯកឧត្តម លោកជំទាវ អភិបាលរងនៃគណៈអភិបាលខេត្ត គណៈកម្មាធិការគណបក្សមូលដ្ឋាន សាខាបក្សមន្ទីរអង្គភាពជុំវិញខេត្ត គណៈកម្មាធិការ ខ.១៨ គណៈកម្មាធិការ ខ.២៦ គណៈកម្មាធិការ ខ.២៧ មន្ត្រីមន្ទីរគណៈកម្មការគណបក្សខេត្ត គណៈកម្មាធិការគណបក្សក្រុង លោកគ្រូ អ្នកគ្រូ គរុសិស្ស សិស្សានុសិស្ស និងសមាជិក សមាជិកាសរុបប្រមាណ ២.០៥៦អង្គ/រូប។
