បន្ទាយមានជ័យ ៖ ឃាត់ខ្លួនជនសង្ស័យផឹកស្រាស្រវឹងស្រែកឡូឡានិងយកកាំបិ.តគំរាមគេឯង ក្នុងការដ្ឋានសាងសង់ត្រូវបានបញ្ជូនទៅសាលាដំបូងខេត្តបន្ទាយមានជ័យ នៅថ្ងៃទី១៧ ខែមករា ឆ្នាំ២០២៥ ។
លោកវរៈសេនីយ៍ត្រី នួន នីណារ៉ូ មេបញ្ជាការកងរាជអាវុធហត្ថក្រុងប៉ោយប៉ែតបានប្រាប់ថា ៖ ជនសង្ស័យមានឈ្មោះ ពុំ រ៉ាយ៉ត ភេទប្រុសអាយុ២៧ឆ្នាំ (មុខរបរកម្មករសំណង់) រស់នៅភូមិសាមគ្គីមានជ័យ សង្កាត់អូរជ្រៅ ក្រុងប៉ោយប៉ែត ។
លោកបានបញ្ជាក់ថា ៖ នៅពេលឃាត់ខ្លួនកម្លាំងមូលដ្ឋានកងរាជអាវុធហត្ថក្រុងប៉ោយប៉ែត បានទទួលព័ត៌មានជនសង្ស័យម្នាក់កាន់កាំបិ.តស្រែកឡូឡាគំរា.មកា.ប់គេឯង ក្នុងការដ្ឋានសាងសង់ ហើយកម្លាំងបានចុះអន្តរាគមន៍ឃាត់ខ្លួនជនសង្ស័យ និងដកហូតបានកាំបិ.ត២ដើម កាលពីថ្ងៃទី១៦ ខែមករា ឆ្នាំ២០២៥ ស្ថិតភូមិសាមគ្គីមានជ័យ សង្កាត់អូរជ្រៅ ក្រុងប៉ោយប៉ែត ។
លោកវរៈសេនីយ៍ត្រី នួន នីណារ៉ូ បានបញ្ជាក់ថា ៖ ក្រោយឃាត់ខ្លួនជនសង្ស័យ និងវត្ថុតាងត្រូវបាននាំយកសាកសួរតាមចម្លើយសារភាពត្រូវបានកសាងសំណុំរឿងបញ្ជូនទៅសាលាដំបូងខេត្តបន្ទាយមានជ័យដើម្បីចាត់ការតាមច្បាប់ ៕សហការី
