(កំពង់ចាម) ៖នៅព្រឹកថ្ងៃទី១៦ ខែមីនា ឆ្នាំ២០២៥ លោកឧត្តមសេនីយ៍ទោ ហេង វុទ្ធី ស្នងការនគរបាលខេត្តកំពង់ចាម អញ្ជើញដឹកនាំកងកម្លាំងរៀបចំពិធីក្រុងពាលី និងបញ្ចុះបឋមសិលា បើកការដ្ឋានសាងសង់អគារថ្មី នៃអធិការដ្ឋាននគរបាលស្រុកព្រៃឈរ ដែលជាអំណោយរបស់ក្រសួងមហាផ្ទៃ។
ដោយអាគារថ្មីនេះ មានទំហំ បណ្តោយ ១៨ម៉ែត្រ ទទឹង៩,៥ ម៉ែត្រ ដំបូលប្រក់ក្បឿង ដែលជាគម្រោងសាងសង់របស់នាយកដ្ឋានភស្តុភារ ហិរញ្ញវត្ថុ នៃក្រសួងមហាផ្ទៃ ។
ពិធីនេះដែរ ក៏មានការអញ្ជើញចូលរួមពីលោក អភិបាលរងស្រុក តំណាងលោកអភិបាល នៃគណៈអភិបាលស្រុកព្រៃឈរ លោកស្នងការរង លោកនាយការិយាល័យ លោក អធិការ-អធិការរង រហូតដល់មន្ត្រី នៃអធិការដ្ឋាននគរបាល ស្រុកព្រៃឈរ លោកនាយប៉ុស្តិ៍នគរបាលរដ្ឋបាលទាំង១៥ និង តាអាចារ្យ យាយជី តាជី។
ក្នុងឱកាសនោះ លោកឧត្តមសេនីយ៍ស្នងការ ក៏បានចែកជូនដល់ តាអាចារ្យ តាជី យាយជី ចំនួន ២៨នាក់ នូវ ថវិកាចំនួន ២មុឺនរៀល និងក្រណាត់ស សំពត់ ចំនួន១ ផងដែរ ។
