មណ្ឌលគិរី# សកម្មភាពកាប់ឈើបានកើតឡើងតំបន់ អភិរក្សដែនជម្រកសត្វព្រៃណាំលៀ និងតំបន់ស្នូលដែនជម្រកសត្វ ព្រៃស្រែកពក នៅក្នុងស្រុកកោះញែក ខេត្តមណ្ឌលគិរី ដែលពួកឈ្មួញបានធ្វើសកម្មភាពអំឡុងចុងឆ្នាំ២០២៣ និងដើមឆ្នាំ២០២៤។ ប្រធានមន្ទីរបរិស្ថាន ខេត្តមណ្ឌល គីរីធ្លាប់ទទួលស្គាល់ថា មានការកាប់ឈើនៅតំបន់ស្នូលនោះមែន ប៉ុន្តែតិចតួចបួនប្រាំដើមប៉ុណ្ណោះ។ ឥឡូវនេះឈើដែលបានកាប់ផ្ដួលកាលពីដើមឆ្នាំ២០២៤ដល់វេលា ដែលត្រូវដឹកចេញហើយ។
បើតាមប្រភពថ្មីៗនេះ ឈ្មួញឈ្មោះ រិទ្ធ និងបក្ខពួកបន្តដឹកជញ្ជូនចេញពីចំណុចស្រែអំប៊ូម និងផ្នែកខ្លះនៃភូមិវ៉ារយោង ឃុំប៊ូស្រា ស្រុកពេជ្រាដា ដឹកតាមរថយន្តធុនត្រាជាច្រេីនឆ្លងដែនទៅប្រទេសវៀតណាមតាមច្រកទ្វេភាគីព្រំដែនណាំលៀយ៉ាងពេញបន្ទុកសមត្ថកិច្ចជំនាញពាក់ពន្ធ័ ក្នុងខេត្តមណ្ឌលគីរី រក្សាភាពស្ងៀមស្ងាត់។ ប្រការនេះកំពុងធ្វើឲ្យព្រៃឈើក្នុងតំបន់ព្រៃការពារ ព្រៃអភិរក្ស ព្រៃសហគមន៍ក្នុងស្រុកកោកោះញែក ស្រុកពេជ្រាដា មិនផុតពីសេចក្ដីវិនាសសាបសូន្យ នៅក្នុងពេលឆាប់ៗខាងមុខនេះឡើយ។ ប្រភពបានបន្ថែមថា ពួកឈ្មួញទាំងនេះធ្វើសកម្មភាព មិនញញើតសមត្ថកិច្ចនោះឡើយពីព្រោះគេបានជះលុយ ឱ្យមន្ត្រីជំនាញស្ទើរគ្រប់ស្ថាប័នអស់ទៅហើយនៅក្នុងខេត្តមណ្ឌលគីរី។
ប្រភពពីមន្ត្រីពាក់ព័ន្ធ នៅច្រកទ្វេភាគីព្រំដែនណាំលៀខេត្តមណ្ឌលគិរី បានឲ្យដឹងថា រយៈពេលជិត១សប្ដាហ៍កន្លងទៅនេះឈ្មួញច្រើននាក់បានសម្រុកដឹកជញ្ជូនឈើប្រណីត និងឈើប្រភេទលេខ១ពីចំណុចស្រែអំប៊ូមស្រុកពេជ្រាដា ចេញទៅប្រទេសវៀតណាមតាមច្រកណាំលៀ យ៉ាងគំហុក។ ជាមួយនោះក៏មានឈើដែលកាប់ផ្តួលរួចហើយកាលពីដើមឆ្នាំ ត្រូវបានដឹកចេញពីតំបន់ស្នូលនៃដែនជំរកសត្វព្រៃស្រែពក ឆ្លងដែនទៅប្រទេសវៀតណាមតាមច្រកណាំលៀនោះដែរ។
សកម្មភាពរបស់ក្រុមឈ្មួញដឹកជញ្ជូនឈើទៅប្រទេសវៀតណាមគ្មានមន្ត្រីជំនាញ ឬសមត្ថកិច្ចណាទប់ស្កាត់ទេគឺមានតែជួយសម្រួល ឲ្យឈ្មួញដឹកជញ្ជូនឈើទៅ ដល់គោលដៅយ៉ាងរលូន។ប្រភពពីមន្ត្រីនៅច្រកព្រំដែន ណាំលៀបានឲ្យដឹងទៀតថា ឈ្មួញដែលធ្វើសកម្មភាពដឹកជញ្ជូនឈើទៅស្រុកយួន យ៉ាងគឃ្លើននៅពេលនេះគឺឈ្មួញឈ្មោះ រិទ្ធ និងគូរកនរបស់ឈ្មួញ ដែលសុទ្ធតែជាឈ្មួញមានខ្នងបង្អែករឹងមាំ។
ទោះជាយ៉ាងណា បើគ្មានការបើកបារ៉ាស់ពីសំណាក់លោក នាយប៉ុស្តិ៍នគរបាលអន្តោប្រវេសន៍ច្រកទ្វេភាគីព្រំដែនណាំលៀទេនោះ គឺគ្មានឈ្មួញណាអាចដឹកជញ្ជូនឈើពីទឹកដីខ្មែរឆ្លងចូលទឹកដីវៀតណាមគ្រប់ តាមអំពើចិត្តបានដែរ។ ប្រភពខ្សឹបខ្សៀវថា ឈ្មួញវៀតណាមឈ្មោះជឿង ជាអ្នកជះលុយច្រើនសែនដុល្លារដើម្បីដឹកឈើចេញពីតំបន់ការពារឬតំបន់ស្នូលយកទៅលក់បន្តនៅក្រៅប្រទេស៕សហការី