(កំពង់ចាម) ៖ នៅព្រឹកថ្ងៃទី២១ ខែមីនា ឆ្នាំ២០២៤ លោក ហេង វណ្ណនី អភិបាលរងខេត្ត តំណាងឯកឧត្ដម អ៊ុន ចាន់ដា អភិបាល នៃគណៈអភិបាលខេត្តកំពង់ចាម បានអញ្ជេីញចូលរួមក្នុង ទិវាចម្ការបង្ហាញពូជពោតអ៊ីប្រ៊ីដ កម្ពុជា០១ (CHM 01) ក្នុងនោះក៍មានការអញ្ជេីញចូលរួម ឯកឧត្ដម ចាន់សារុទ្ធ អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ លោកបណ្ឌិត សុង យ៉ុង ហ្សូ(Dr.Song Young-Ju) នាយកមជ្ឈមណ្ឌល KOPIAប្រចាំកម្ពុជា នៃសាធារណរដ្ឋកូរ៉េ,លោក នាយកវិទ្យាស្ថានស្រាវជ្រាវ និងអភិវឌ្ឍន៍កសិកម្មកម្ពុជា លោកនា យកវិទ្យាស្ថានស្រាវជ្រាវកៅស៊ូកម្ពុជា លោកប្រធាននាយកដ្ឋានបុគ្គលិក និងអភិវឌ្ឍន៍ធនធានមនុស្ស អាជ្ញាធរឃុំ ស្រុក និងមានការចូលរួមពីលោកប្រធានមន្ទីរកសិកម្ម រុក្ខា ប្រមាញ់ និងនេសាទខេត្តកំពង់ចាម និងខេត្តត្បូងឃ្មុំផងដែរ ព្រមទាំងកសិករដាំពោត ជាច្រើនគ្រួសារ ដែលបានដាំបង្ហាញពោតពូជកម្ពុជា០១ ចំនួន៣០ហិកតា ដោយទទួលទិន្នផលជាមធ្យម៨តោន ក្នុង១ហិចតា(សំណើមពេលប្រមូលផល)។កម្មវិធីនេះ ទទួលបានការឧបត្ថម្ភគាំទ្រ ពីមជ្ឈមណ្ឌល KOPIA ប្រចាំកម្ពុជា ដែលបានសហការជា មួយក្រសួងកសិកម្មរុក្ខាប្រមាញ់ និងនេសាទខេត្តកំពង់ចាម ក្នុងគោលបំណង ពង្រីកពូជពោត កម្ពុជា(CHM01)។
បើតាមលោកប្រធានមន្ទីរកសិកម្មរុក្ខាប្រមាញ់និងនេសាទខេត្តកំពង់ចាម បានឲ្យដឹងថានៅខេត្តកំពង់ចាម មានស្រុក៥ដែលបានដាំដុះពោតច្រើន ក្នុងនោះ ស្រុកកោះសូទិន ៣.៧២៤ហិកតា, ស្រុកកំពង់សៀម ៣.៧០០ហិកតា, ស្រុកចំការលើ ១.៩០០ហិកតា, ស្រុកស្ទឹងត្រង់១.៤០៤ហិកតា, ស្រុកកងមាស១.១០៥ហិកតា និង ស្រុកមូយចំនួនទៀតសរុបផ្ទៃដីដាំពោតក្នុងខេត្ត មានប្រមាណ ១២៦០១ ហិកតា ដែលទទួលទិន្នផល ៥៦.០៦៤តោន ៕
