(កំពង់ចាម) ៖ នារសៀលថ្ងៃសៅរ៍ ទី៦ ខែមេសា ឆ្នាំ២០២៤ ឯកឧត្តម អ៊ុន ចាន់ដា សមាជិកគណៈកម្មាធិការកណ្តាលគណបក្សប្រជាជនកម្ពុជា ប្រធានគណៈកម្មាធិការគណបក្សខេត្តកំពង់ចាម បានអញ្ជើញដឹកនាំកិច្ចប្រជុំគណៈកម្មាធិការគណបក្សខេត្ត ស្តីពីការផ្សព្វផ្សាយសភាពការណ៍ រួមឆ្ពោះទៅកាន់ការបោះឆ្នោតជ្រើសរើសក្រុមប្រឹក្សារាជធានី ខេត្ត ក្រុង ស្រុក ខណ្ឌ និងលេីកទិសដៅការងារអនុវត្តបន្ត។
កិច្ចប្រជុំនេះ មានការអញ្ជើញចូលរួមពីសំណាក់ ឯកឧត្តម ខ្លូត ផន អនុប្រធានគណៈប្រចាំការ ឯកឧត្តម កៅ សយខអាន អនុប្រធានគណបក្សខេត្ត ឯកឧត្តមសមាជិកអចិន្ត្រៃយ៍ ឯកឧត្តម លោកជំទាវ លោកលោកស្រី សមាជិកអចិន្ត្រៃយ៍ សមាជិកគណៈកម្មាធិការគណបក្សខេត្ត និងមន្រ្តីគណបក្សពាក់ព័ន្ធ នៅមន្ទីរគណបក្សខេត្តកំពង់ចាម។
