ឯកឧត្តមរដ្ធមន្ដ្រី វេង សាខុន និងសហការី បានចាប់ផ្ដើមចេញបេសកម្មចាប់ពីព្រឹកថ្ងៃទី២៧-៣០

(ភ្នំពេញ) ÷យោងតាមគម្រោងផែនការការងារដែលបានគ្រោងទុកកាលពីសប្តាហ៍កន្លងទៅ និងទទួលបានអនុសាសន៍ដ៏ខ្ពង់ខ្ពស់បន្ថែមរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី ឯកឧត្តមរដ្ឋមន្រ្តី វេង សាខុន និងសហការី បានចាប់ផ្តើមចេញបេសកកម្មចាំបាច់បន្ទាន់មួយដោយចាប់ផ្តើមពីព្រឹកថ្ងៃទី២៧ ដល់ថ្ងៃទី៣០ ខែតុលា ចាប់ផ្តើមដំបូងពីខេត្តសៀមរាបនៅថ្ងៃ ទី២៧ ខេត្តបន្ទាយមានជ័យនៅថ្ងៃទី២៨ ខេត្តបាត់ដំបងនៅថ្ងៃទី២៩ និងចុងក្រោយគឺខេត្តពោធិសាត់នៅថ្ងៃទី៣០ ក្នុងគោលបំណងចុះមកវាយតម្លៃលើផលប៉ះពាល់ និងខូចខាតជារួមនៃដំណាំស្រូវ ដំណាំរួមផ្សំ ដោយសារជំនន់ទឹកភ្លៀង និងនាំយកពូជស្រូវ ពូជដំណាំ និងពូជត្រី និងកង្កែបទៅចែកជូនប្រជាកសិករតាមខេត្តគោលដៅទាំង៤។