(ខេត្តបាត់ដំបង) ដោយអនុវត្តន៍តាមការណែនាំបញ្ជាផ្ទាល់ពី ឯកឧត្ដម ឧត្ដមសេនីយ៍ទោ សាត គឹមសាន ស្នងការ នៃស្នងការដ្ឋាននគរបាលខេត្តបាត់ដំបង ក៏ដូចជា លោកវរសេនីយ៍ឯក លឹម ពុទ្ធីឡា ស្នងការរង ផែនការងារនគរបាលព្រហ្មទណ្ឌ និងមានការសម្របសម្រួលលើនីតិវិធីពី ឯកឧត្តម គឺ ប៊ុណ្ណារ៉ា ព្រះរាជអាជ្ញា នៃអយ្យការអមសាលាដំបូងខេត្តបាត់ដំបង នៅថ្ងៃទី ២៧ ខែ មេសា ឆ្នាំ ២០២១ វេលាម៉ោង ១២:១៥ នាទី នៅចំណុចបន្ទប់ជួល ស្ថិតក្នុងភូមិកាប់គោថ្មី សង្កាត់អូរចារ ក្រុងបាត់ដំបង ខេត្តបាត់ដំបង លោកវរសេនីយ៍ឯក ឈឿង គឹមសុង នាយការិយាល័យនគរបាលព្រហ្មទណ្ឌកម្រិតស្រាល បានដឹកនាំក្រុមអន្តរាគមន៍ បង្ការ បង្ក្រាប សហការជាមួយកម្លាំងការិយាល័យនគរបាលព្រហ្មទណ្ឌកម្រិតធ្ងន់ដែលដឹកនាំដោយលោកវរសេនីយ៍ទោ វ៉ាន់ តារ៉ា បានចុះប្រតិបត្តិការបង្ក្រាបករណី អំពេីលួចមានស្ថានទម្ងន់ទោស ( គាស់សោរទ្វារថយន្តលួចយកទ្រព្យសម្បត្តិ ) ០១ ករណី និងបានធ្វេីការនាំខ្លួនជនសង្ស័យ ០១ នាក់ ឈ្មោះ ចឹក បូរ៉ា ភេទប្រុស អាយុ ២១ ឆ្នាំ មានទីលំនៅភូមិកាប់គោថ្មី សង្កាត់អូរចារ ក្រុងបាត់ដំបង ខេត្តបាត់ដំបង មកកាន់ស្នងការដ្ឋាន ។
👤 កាលពីថ្ងៃទី ២៦ ខែ មេសា ឆ្នាំ ២០២១ វេលាម៉ោង ០២:៣២ នាទី រំលងអាធ្រាត្រ នៅចំណុចភូមិព្រែកមហាទេព សង្កាត់ ស្វាយប៉ោ ក្រុងបាត់ដំបង ខេត្ត បាត់ដំបង ជនសង្ស័យខាងលេីបានធ្វេីសកម្មភាព គាស់សោរទ្វារថយន្ត រួចលួចយកទ្រព្យសម្បត្តិ របស់ជនរងគ្រោះឈ្មោះ ពេជ្រ សុវណ្ណឆាយឌី ភេទប្រុស អាយុ ៣៨ ឆ្នាំ មានទីលំនៅខាងលើ ។
📍 សម្ភារៈបាត់បង់មាន
- អត្តសញ្ញាណបណ្ណសញ្ជាតិខ្មែរ ០១ សន្លឹក
- បណ្ណបេីកបរ ០១ សន្លឹក
- បណ្ណសម្គាល់យានយន្ត ០២ សន្លឹក
- កាត ATM ០៣ សន្លឹក
- រូបចម្លាក់ ព្រះអង្គ ចំនួន ០៣
- កូនកាបូប ចំនួន ០២
បច្ចុប្បន្នការិយាល័យជំនាញកំពុងតែធ្វេីការកសាងសំណុំរឿងដេីម្បីបញ្ជូនទៅសាលាដំបូងខេត្តបាត់ដំបងចាត់ការបន្តតាមនីតិវិធី ។