(កំពង់ចាម) នៅរសៀលថ្ងៃអាទិត្យ ទី២៣ ខែឧសភា ឆ្នាំ២០២១ ឯកឧត្ដម អ៊ុន ចាន់ដា អភិបាល នៃគណៈអភិបាលខេត្តកំពង់ចាម និងជាប្រធានគណៈកម្មការខេត្តប្រយុទ្ធនឹងជំងឺកូវីដ-១៩ បានដឹកនាំក្រុមការងារខេត្ត អាជ្ញាធរក្រុង មន្ទីរ ស្ថាប័នជុំវិញខេត្ត និងមន្ត្រីពាក់ព័ន្ធ អញ្ជើញចុះពិនិត្យមើលការរៀបចំ កន្លែង ពិនិត្យ ថែទាំ និងព្យាបាលអ្នកជំងឺកូវីដ-១៩ កម្រិតស្រាល នៅវិទ្យាល័យព្រះសីហនុ ស្ថិតនៅក្នុងសង្កាត់កំពង់ចាម ក្រុងកំពង់ចាម ដោយក្នុងនោះគ្រែចំនួន ៣០០ ត្រូវបានរៀបចំរួចរាល់ នៅផ្នែកអាគារA ដោយឡែកអាគារB និងអាគារផ្សេងៗទៀត ក្រុមការងារកំពុងមមាញឹករៀបចំជាបន្តបន្ទាប់។
គូរបញ្ជាក់ថា កន្លែងពិនិត្យ ថែទាំ និងព្យាបាលអ្នកជំងឺកូវីដ-១៩ កម្រិតស្រាលមួយនេះនឹងយកអ្នកជំងឺចូល នៅល្ងាចថ្ងៃអាទិត្យទី២៣ ខែឧសភា ឆ្នាំ២០២១។ ចៅ វង្ស I.K.
