(កំពង់ចាម) ឯកឧត្ដម អ៊ុន ចាន់ដា អភិបាល នៃគណៈអភិបាលខេត្ដកំពង់ចាម និងជាប្រធានគណៈកម្មការខេត្តប្រយុទ្ធប្រឆាំងនឹងជំងឺកូវីដ-១៩ ឯកឧត្ដម ខ្លូត ផន ប្រធានក្រុមប្រឹក្សាខេត្ត និង ឯកឧត្ដម លោកជំទាវ អភិបាលរងខេត្ត នៅព្រឹកថ្ងៃទី០៨ ខែមិថុនា ឆ្នាំ២០២១ អញ្ជើញទទួលការឧបត្ថមនូវទឹកបរិសុទ្ធចំនួន ៣.៦២៥ យួរ សម្រាប់ផ្គត់ផ្គង់ដល់ប្រជាពលរដ្ឋដែលកំពុងជួបការលំបាក និងកំពុងធ្វើចត្តាឡីស័កក្នងខេត្តកំពង់ចាម ពីព្រះមន្ត្រីសង្ឃក្នុងខេត្តកំពង់ចាម និមន្តដឹកនាំដោយព្រះសីលសំវរ ប៊ត តាំងឆេង (ឆន្ទន្ទត្ថេរោ) ព្រះរាជាគណៈថ្នាក់ចត្វា និងជាព្រះនាគមុនីមេគណខេត្តកំពង់ចាម និងព្រះចរិយាឧត្តម ស៊ាង លាង (ព្រហ្មត្ថេរោ) ព្រះនាគសត្ថាបាឡាត់គណខេត្តកំពង់ចាម ដោយមានការនិមន្ត និងចូលរួមពី លោក ស្រី សុភ័ក្ត្រ ប្រធានមន្ទីរធម្មការ និងសាសនាខេត្តកំពង់ចាម។ ក្នុងនោះមានសាលាអនុគណ០៥ស្រុក រួមមាន÷
-សាលាអនុគណស្រុកកោះសូទិន
-សាលាអនុគណស្រុកកងមាស
-សាលាអនុគណស្រុកកំពង់សៀម
-សាលាអនុគណស្រុកជើងព្រៃ
-សាលាអនុគណស្រុកបាធាយ។
