ដើម្បី បង្ហាញនូវការសិក្សាវឌ្ឍនភាព នៅសាលាភូមិន្ទរដ្ឋបាល នៅព្រឹក ថ្ងៃទី០៦ ខែធ្នូ ឆ្នាំ២០២១ នេះ ឯកឧត្ដម អ៊ុន ចាន់ដា អភិបាល គណៈអភិបាល ខេត្តកំពង់ចាម បានអនុញ្ញាតឲ្យកម្មសិក្សាការី នៃសាលាភូមិន្ទរដ្ឋបាល ដែលជាមន្ត្រីរាជការ ក្នុងខេត្តកំពង់ចាម ជួបសំដែងការគួរសម ។
ព្រះបុណ្ណសោភណ្ឌ ជី សំណាង ដែលកម្មសិក្សាការីមន្ត្រីជាន់ខ្ពស់ តំណាង កម្មសិក្សាការី នៃសាលាភូមិន្ទរដ្ឋបាល ទាំងអស់ បានមានសង្ឃដីកាថា ក្រោយពីបានចូលរៀនវគ្គសិក្សានៅសាលាភូមិន្ទរដ្ឋបាល មក ព្រះអង្គ និងកម្មសិក្សាការី ឯទៀត បានទទួលនូវចំណេះដឹង និងបទពិសោធន៍ថ្មីៗ ជាច្រើន សម្រាប់យកមកអនុវត្ត នាពេលអនាគត ។ ជាមួយគ្នានេះដែរ ក្រុមកម្មសិក្សាការី បានថ្លែងអំណរអរគុណ ចំពោះ ឯកឧត្ដម អ៊ុន ចាន់ដា អភិបាល នៃគណៈអភិបាល ខេត្តកំពង់ចាម ដែលបានចំណាយពេលវេលា ដ៏មមាញឹក ឲ្យកម្មសិក្សាការី នៃសាលាភូមិន្ទរដ្ឋបាល ជួបសំណេះសំណាល ខណៈដែល បានបញ្ចប់វគ្គសិក្សា ផងដែរ ។
ឆ្លៀតឱកាសនោះដែរ ឯកឧត្តម អ៊ុន ចាន់ដា អភិបាល នៃគណៈអភិបាល ខេត្តកំពង់ចាម បានផ្តល់អនុសាសន៍ បទពិសោធន៍ការងារថ្មីៗ មកមកបង្ហាញប្រគេន ដល់កម្មសិក្សាការីសាលាភូមិន្ទរដ្ឋបាល ដើម្បី យកទៅអនុវត្តន៍ការងារប្រកបដោយភាពជោគជ័យ និងប្រសិទ្ធភាពខ្ពស់ ។
នាឱកាសនោះដែរ ឯកឧត្តម អភិបាល ខេត្តកំពង់ចាម បានប្រគេនបច្ច័យ និងថវិកា ដល់កម្មសិក្សាការី នៃសាលាភូមិន្ទរដ្ឋបាលចំនួន ២៨អង្គនាក់ ដោយ១អង្គ/នាក់ ទទួលបានបច្ច័យនិងថវិកា ១០ម៉ឺនរៀល ផងដែរ ៕