(កំពង់ចាម) :ឯកឧត្តម អ៊ុន ចាន់ដា អភិបាលនៃគណ:អភិបាលខេត្តកំពង់ចាម ក្រេីនរំលឹកដល់មន្ត្រីសុខាភិបាលទាំងអស់ សូមបន្តធ្វើនូវអំពើល្អ កុំសាងកំហុសដោយខ្លួនឯង ហេីយបែជាស្តីបន្ទោសទៅលេីរាជរដ្ឋាភិបាល និងថ្នាក់ដឹកនាំ។
សូមកែប្រែកំហុសដែលខ្លួនបានប្រព្រឹត្ត ហើយងាកមកបម្រើសេវាព្យាបាលជូនប្រជាពលរដ្ឋឱ្យបានល្អប្រសើរ ដើម្បីឱ្យក្លាយទៅជាគ្រូពេទ្យគំរូ និងក្លាយទៅជាអ្នកបន្តវេនក្នុងវិស័យសុខាភិបាល។
ប្រសាសន៍ក្រើនរំលឹកបែបនេះ ត្រូវបាន ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម លើកឡើងនៅក្នុងពិធីសំណេះសំណាលជាមួយមន្ត្រីរាជការមន្ទីរសុខាភិបាល នៃរដ្ឋបាលខេត្តកំពង់ចាម នាព្រឹកថ្ងៃទី២៨ ខែមករា ឆ្នាំ២០២២នេះ នាសលាខេត្តកំពង់ចាម។ ពិធីនេះក៏មានការអញ្ជើញចូលរួមជាគណៈអធិបតីពី ឯកឧត្តម ខ្លូត ផន ប្រធានក្រុមប្រឹក្សាខេត្ត និងដោយបានការចូលរួមពី អភិបាលរងខេត្ត, នាយករដ្ឋបាលសាលាខេត្ត, ប្រធាន អនុប្រធានមន្ទីរសុខាភិបាល នៃរដ្ឋបាលខេត្ត និងមន្ត្រីរាជការមន្ទីរសុខាភិបាលនៃរដ្ឋបាលខេត្ត ប្រមាណ ២៥០នាក់។