ភ្នំពេញ៖ ស្ត្រីម្នាក់ អង្គុយផឹកស្រា ជួបជុំគ្រួសារ។ លុះស្រវឹងជោគខ្លួនហើយ ស្រាបញ្ចេញប្រតិកម្ម នាងអង្គុយយំ ព្រោះខឹងប្តី គ្មានមូលហេតុ ហើយរត់ទៅលោតទឹក ប្តីឃាត់ជាប់ បែរជារត់ចូលឡាន។ ហេតុការណ៍នេះ បង្កការភ្ញាក់ផ្អើល កាលពីវេលាម៉ោង ១១ និង ៣០នាទីយប់ ថ្ងៃទី១៥ ខែមិថុនា ឆ្នាំ២០២២ នៅលើស្ពានដែកបាឡេ ក្នុងសង្កាត់ជ្រោយចង្វារ ខណ្ឌជ្រោយចង្វារ។
ប្រភពព័ត៌មានពីប្តីរបស់ស្ត្រីខាងលើ បានប្រាប់ថា មុនពេលកើតហេតុ ពួកគាត់ ២នាក់ប្តីប្រពន្ធ និងសាច់ញាតិ បានជួបជុំគ្នា ផឹកស្រា នៅសួនច្បារ ក្បែររង្វង់នាងមច្ឆា ផ្លូវ OCIC ក្នុងសង្កាត់ជ្រោយចង្វារ ដោយផឹកស៊ីសើចសប្បាយក្អាកក្អាយ។ ចំណែកប្រពន្ធរបស់គាត់ ផឹកអស់ស្រាបៀរច្រើនកំប៉ុង និងក្លែមជាមួយក្តឹបស្វាយ រហូតស្រវឹងជោគជាំ ក៏ស្រែកយំ រករឿងគាត់ ដោយគ្មានមូលហេតុ នៅវង់ផឹក។ ពេលនោះ គាត់មិនសូវខ្វាយខ្វល់ ស្រាប់តែប្រពន្ធគាត់ រត់សំដៅឡើងទៅស្ពានដែកបាឡេ និងឡើងលើបង្កាន់ដៃ បម្រុងលោតទឹក។ ប៉ុន្តែសំណាងល្អ ពួកគាត់ចាប់ទាន់ និងហៅម៉ូតូកង់បី ជិះត្រលប់ទៅផ្ទះ នៅគីឡូម៉ែត្រលេខ៦។ ខណ:ពេលដឹកប្រពន្ធមកដល់មុខធនាគាវឌ្ឍនៈ នៅតាមបណ្តោយផ្លូវជាតិលេខ៥ ក្នុងសង្កាត់គីឡូម៉ែត្រលេខ៦ ម្ចាស់កង់បី បានឈប់ អោយនាងចុះ ព្រោះទ្រាំនឹងការរំខានមិនបាន។ នៅពេលចុះពីលើកង់បីនាងគិតតែពីស្រែកយំ ដេកននៀលដី ទោះជាមានអ្នកហាមអ្វីក៏មិនស្តាប់ និងព្យាយាមរត់ចូលឡានគេ បើកតាមផ្លូវទៀតផង។
ដោយសារតែប្តីស្ត្រីនោះ ក៏ស្រវឹង ហើយចាប់នាងមិនឈ្នះ ស្ត្រីស្រវឹងស្រានោះ ក៏ត្រូវបានអ្នករើសអេតចាយម្នាក់ បានចូលទៅជួយចាប់ឃាត់ ក៏ត្រូវនាងស្វាគមន៍មួយជើង ត្រូវចំអាអូនតូចចុកឆ្អល់ និងលែងនាងវិញ ហើយដើរចេញ ឈប់ខ្វាយខ្វល់។
ប្រភពពីសាច់ញាតិស្ត្រីខាងលើ បានប្រាប់ដឹងថា ស្ត្រីរូបនោះ អោយតែស្រវឹងខ្លាំង ដឹងតែចេញអាការៈបែបនេះហើយ។ តែពេលស្វាងស្រវឹង ក៏ភ្លេចអស់ទៅ៕សហការី