ជឿជាក់អ្នកប្រើប្រាស់នៅក្នុងបណ្តាញសង្គមហ្វេសប៊ុក ដ៏ដូចជាមហាជនទូទៅ ច្បាស់ជាស្គាល់ គ្រូអគ្គីនេត្រ ដែលមានប័ណ្ណធានា
ជាក់ជាមិនខាន កាលនោះ ផ្ទុះការចាប់អារម្មណ៍ យ៉ាងខ្លាំង ទៅលើគ្រូម្នាក់នេះ។ ក្រោយបាត់មុខមួយរយៈ
ស្រាប់តែថ្មីៗនេះ គ្រប់គ្នា ម្នាក់ៗ ភ្ញាក់ព្រឺត សារជាថ្មីទៀតហើយ ស្ទើរមិនគួរឲ្យជឿ និងនឹកស្មានដល់ ដោយគ្រូអគ្គីនេត្រ មកលើនេះ បានតុបតែងខ្លួនជាស្រី
ថ្ងៃទី១៩ ខែមិថុនា ឆ្នាំ២០២២ ធ្វើខួបកំណើតឲ្យស្វាមី ហើយក៏ជាខួបគម្រប់៥ខែ ដែលពួកគេស្រឡាញ់គ្នាផងដែរ។
មានន័យថា ខួបកំណើតពិតនៅថ្ងៃទី៨ ខែមិថុនា ហើយជាន់គ្នាជាមួយអ្នកស្គាល់គ្នា ក៏លើកមកចំថ្ងៃខួប៥ខែនៃក្ដីស្រឡាញ់របស់ពួកគេតែម្ដង។
នៅក្នុងពិធីខួបកំណើតនោះ អគ្គីនេត្រ ដែលមានឈ្មោះពិត វ៉ាន់ សុខសីហា បានប្រាប់ថា ចំពោះសេចក្ដីស្នេហារបស់ពួកគេ
មានការដឹងឮពីគ្រួសារទាំងសងខាង ហើយអត់មានអ្នកណាជំទាស់នោះទេ។ និយាយរួមគ្រួសារទាំងសងខាង សុទ្ធតែមានការពេញចិត្តដូចគ្នា។
ចំពោះពិធីមង្គលការវិញ ពួកគេ បញ្ជាក់ថា គ្រោងនឹងធ្វើឡើងនៅឆ្នាំក្រោយ ដោយពេលនេះ ខិតខំរកលុយបន្ថែមទៀតសិន
បើទោះមានឡាន មានផ្ទះ សម្ភារៈនិយមរួចស្រេចហើយក៏ដោយនោះ ព្រោះបច្ចុប្បន្ន ផ្ដោតលើមុខជំនួញ ដោយចង់ឲ្យមុខរបរកាន់តែប្រសើរជាងនេះ ពេលសល់លុយច្រើនធ្វើទៅ កាន់តែល្អជាងនេះទៀត។
អ្វីជាការចាប់អារម្មណ៍ទៀតនោះ ស្វាមីរបស់អគ្គីនេត្រ មានវ័យត្រឹមតែ២០ឆ្នាំប៉ុណ្ណោះ ខណៈអគ្គីនេត្រ ខ្ទង់២៧ ទៅ២៨ឆ្នាំទៅហើយនោះ។
បន្ថែមលើនេះ ស្វាមីអគ្គីនេត្រ មានឈ្មោះ ទូចមិថុនា បានដាក់រហស្សនាមខ្លួនឯងថា ជាឧកញ៉ាវ័យក្មេងថែមទៀតផង។ ទោះយ៉ាងណា លោកទូ មិថុនា បានបញ្ជាក់ហើយថា រូបលោក មិនមែនជាឧកញ៉ាអីទេ។
ជុំវិញរឿងនេះដែរ អគ្គីនេត្រ បញ្ជាក់បន្ថែមថា នេះជាឈ្មោះ ដែលខ្លួនដាក់ឲ្យ ព្រោះបំណងខ្លួន ជាមួយគាត់ ចង់ថាមួយរយៈពេលទៀត ពួកយើងនឹងចូលរួមការងារសប្បុរសធម៌ ក្នុងសង្គម ដើម្បីចង់បានងារជាឧកញ៉ានេះ៕
