(បាត់ដំបង) នៅរសៀលថ្ងៃទី២៥ ខែសីហា ឆ្នាំ២០២២ ឧត្តមសេនីយ៍ឯក ចៅ យុត្តិបុត្រ និងឧត្តមសេនីយ៍ឯក ហាក់ ម៉ៅ តំណាង ឯកឧត្តម នាយឧត្តមសេនីយ៍ វង្ស ពិសេន អគ្គមេបញ្ជាការ កងយោធពលខេមរភូមិន្ទ បាននាំយកថវិកា និងរទេះរុញ ព្រមទាំងគ្រឿងឧបភោគបរិភោគ ប្រគល់ជូនប្រជាពលរដ្ឋចំនួន ០៣ គ្រួសារដែរមានពិការភាព និងទីទ័លក្រ នៅសង្កាត់អូរចារ ក្រុងបាត់ដំបង ខេត្តបាត់ដំបង។
គួរបញ្ជាក់ថា ក្រោយពីទទួលបានដំណឹងពីការអំពាវនាវគោរពស្នើសុំជំនួយពី សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា តាមរយៈបណ្តាញសង្គមហ្វេសបុករួចមក នាយឧត្តមសេនីយ៍ វង្ស ពិសេន បានចាត់តំណាងនាំយកអំណោយ រួមមាន៖
– គ្រួសារទី១ ដែលសមាជិកមានពិការភាពចំនួន ០៦ រូប ទទួលបាន ថវិកា ២០.០០០.០០០ រៀល, រទេះរុញចំនួន ០៦ គ្រឿង, អង្ករ ចំនួន ០១ តោន, ត្រីខចំនួន ០២កេសធំ = ២០ យួ, ទឹកត្រីចំនួន ០៨ យួរ, ទឹកស៊ីអ៉ីវចំនួន ០៨ យួរ, មីចំនួន ០២ កេសធំ = ១២ កេសតូច, ភេសជ្ជៈ ចំនួន ០៨ កេស, ទឹកសុទ្ធចំនួន ០៨ កេស, ស្កសចំនួន ០៨ គីឡូក្រាម, អំបិលចំនួន ០៨ គីឡូក្រាម, ប៊ីចេងចំនួន ០៨ កញ្ចប់, ប្រេងឆាចំនួន ០៤ ដប
– គ្រួសារទី២ សមាជិកមានពិការភាពចំនួន ០១ រូប ទទួលបានថវិកា ១.០០០.០០០ រៀល, រទេះរុញចំនួន ០១ គ្រឿង, អង្កចំនួន ០៦ បេ, ត្រីខចំនួន ០៤ យួ, ទឹកត្រីចំនួន ០៤ យួរ, ទឹកស៊ីអ៉ីវចំនួន ០៤ យួរ, មីចំនួន ០៤ កេស, ទឹកសុទ្ធចំនួន ០៤ កេស, ស្កសចំនួន ០៤ គីឡូក្រាម, អំបិលចំនួន ០៤ គីឡូក្រាម, ប៊ីចេងចំនួន ០៤ កញ្ចប់, ប្រេងឆាចំនួន ០២ ដប
– គ្រួសារទី៣ មានពិការភាពចំនួន ៣រូប ទទួលបានថវិកាចំនួន ៨០០.០០០ រៀល និងរទេះរុញចំនួន៣គ្រឿង
ក្នុងឱកាសនោះដែរ ឧត្តមសេនីយ៍ឯក ចៅ យុត្តិបុត្រ បានមានមតិសំណេះសំណាល សួរសុខទុក្ខ និងបានគូសបញ្ជាក់ពីតម្លៃសន្តិភាព ដែលរកបានដោយលំបាកក្រោមនយោបាយ ឈ្នះឈ្នះ ដឹកនាំដោយសម្តេចអគ្គសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា សម្តេចមិនឱ្យប្រជាពលរដ្ឋណាម្នាក់ស្លាប់ដោយការអត់ឃ្លានឡេីយ ជាមួយនោះក្រុមការងារបានពាំនាំការផ្តាំផ្ញេីរសាកសួរសុខទុក្ខរបស់ ឯកឧត្តម នាយឧត្តមសេនីយ៍ វង្ស ពិសេន អគ្គមេបញ្ជាការ កងយោធពលខេមរភូមិន្ទផងដែរ៕
