(សៀមរាប) : បុរសម្នាក់រងរបួសជើងដើងខាងឆ្វេង ខណ:ពេលចុះទៅដាក់បង្កៃក្នុងទឹកនាពេលរាត្រី ដែលហេតហេតុការណ៍នេះ បានកើតឡើងកាលពីវេលាម៉ោង ១០យប់ ថ្ងៃទី១១ ខែតុលា ឆ្នាំ២០២២ ស្ថិតនៅ ភូមិច្រាំងខ្ពស់ ឃុំកំពង់ក្តី ស្រុកជីក្រែង ខេត្តសៀមរាប។
បុរសដែលរងគ្រោះដោយសត្វក្រពើមួយក្បាលខាំមានឈ្មោះ ជួន សំណាង មុខរបរកសិករនិងនេសាទ ស្នាក់នៅក្បែចំណុចកើតហេតុខាងលើ។
យោងតាមសំដីរបស់ជនរងគ្រោះខាងលើ បានឲ្យដឹងថា មុនពេលកើតហេតុ រូបគាត់បានចេញពីផ្ទះទៅដាក់បង្កៃនៅក្បែរមាត់បឹង ស្រាប់តែមានសត្វក្រពើមួយក្បាល ស្ទុះចេញពីទឹកមកខាំជើងរបស់គាត់ សំណាងណាស់រូបគាត់បានរត់ចេញមកលើគោក រត់មកហៅអ្នកភូមិឲ្យជួយចាប់ យកក្រពើមួយក្បាលខាងលើនេះ យកទៅធ្វើម្ហូបចែកគ្នាពិសា ព្រោះបើទុកសត្វក្រពើនេះបន្តទៀត វានឹងបង្កហានិភ័យ ដល់អ្នកភូមិជាក់ជាមិនខានឡើយ៕សហការី
