(ភ្នំពេញ) ៖ ហេតុការណ៍គ្រោះថ្នាក់ចរាចរណ៍ពីរករណីផ្សេងគ្នាក្នុងទីតាំងតែមួយនិងពេលតែមួយបង្កការកកស្ទះចរាចរណ៍យ៉ាងខ្លាំង នៅតាមបណ្ដោយផ្លូវជាតិលេខ៤ ភូមិអង្គកែវ សង្កាត់ចោមចៅ៣ ខណ្ឌពោធិ៍សែនជ័យ កាលពីវេលាម៉ោង៣និង១០នាទីរសៀលថ្ងៃទី១៣ខែមករាឆ្នាំ២០២៣។
តាមប្រភពព័ត៌មានពីកន្លែងកើតហេតុបានឱ្យដឹងថា នៅមុនពេលកើតហេតុគេបានឃើញរថយន្តកុងតឺន័រពាក់ស្លាកលេខព្រះសីហនុ4A-2660 បានបើកកៀរគ្នាជាមួយនឹងរថយន្តតូយ៉ូតាមួយគ្រឿង ពណ៌ស ពាក់ស្លាកលេខភ្នំពេញ2AN-9610 គាបជាប់គ្នារងការខូចខាត។ បន្ទាប់មកស្រាប់តែមាន រថយន្តបីគ្រឿងទៀតបានបេីកកៀរគ្នាគាបជាប់គ្នា ដោយមួយគ្រឿងជារថយន្តកុងតឺន័រ ពាក់ស្លាកលេខភ្នំពេញ3G- 5559 មួយគ្រឿងទៀតម៉ាកព្រូស ពណ៌ស្លែ ពាក់ស្លាកលេខភ្នំពញ2AX-4898 នឹងមួយគ្រឿងទៀតម៉ាកសីសាន់ ពណ៌ស ពាក់ស្លាកលេខរដ្ឋ១៣ 2-1251 រងការខូចខាតយ៉ាងដំណំ និងបង្កការកកស្ទះចរាចរណ៍យ៉ាងខ្លាំងផងដែរ ។
ក្រោយកើតហេតុសមត្ថកិច្ចមូលដ្ឋានបានចុះមកដល់កន្លែងកើតហេតុនិង បាញ់ថ្នាំ រួចយករថយន្តខាងលើអែបកៀនដើម្បឱ្យម្ចាស់រថយន្តធ្វើការសម្របសម្រួលគ្នា៕សហការី
