ខេត្តព្រៃវែង៖ នៅព្រឹកថ្ងៃព្រហស្បតិ៍ ១១ កើត ខែស្រាពណ៍ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី ១៥ ខែសីហា ឆ្នាំ ២០២៤ លោកឧត្តមសេនីយ៍ទោ ឈឿន ប៊ុនឆន ស្នងការ នៃស្នងការដ្ឋាននគរបាលខេត្តព្រៃវែង បានដឹកនាំកិច្ចប្រជុំការងារសន្តិសុខ ក្នុងខេត្តព្រៃវែង ដោយមានការចូលរួមពី លោកស្នងការរង លោកនាយការិយាល័យ លោកមេបញ្ជាការវរសេនាតូចនគរបាលការពាព្រំដែនគោកលេខ៦០៧ លោកអធិការនគរបាលទាំង ១៣ ក្រុង-ស្រុក លោកនាយប៉ុស្តិ៍នគរបាលរដ្ឋបាល និងនាយប៉ុស្តិ៍នគរបាលការពារព្រំដែនគោក ទូទាំងខេត្តព្រៃវែង ។
នាឱកាសនោះ លោកឧត្តមសេនីយ៍ទោ ស្នងការ បានក្រើនរំលឹក និងដាក់ចេញនូវបទបញ្ជាយ៉ាងម៉ឺងម៉ាត់ ដល់កម្លាំងនគរបាលទូទាំងខេត្តព្រៃវែង ធ្វើយ៉ាងណាត្រូវយកចិត្តទុកដាក់ខ្ពស់បំផុតចំពោះ ការងាររក្សាសន្តិសុខ សណ្ដាប់ធ្នាប់ក្នុងខេត្តព្រៃវែង និងត្រៀមបង្ការ ទប់ស្កាត់ និងបង្ក្រាបក្រុមជនដែលប្រមូលផ្ដុំគ្នាប៉ុនប៉ងធ្វេីសកម្មភាពបង្កអសន្តិសុខ សណ្ដាប់ធ្នាប់សង្គម ៕ដោយជុំ ចន!
