(ព្រៃវែង) ៖ នាព្រឹកថ្ងៃព្រហស្បតិ៍ ១៥កើត ខែផល្គុន ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១៣ ខែមីនា ឆ្នាំ២០២៥នេះ យោងតាមអនុសាសន៍ណែនាំដ៏ខ្ពង់ខ្ពស់របស់ សម្ដេចក្រឡាហោម ស ខេង ឧត្តមប្រឹក្សាផ្ទាល់ព្រះមហាក្សត្រ នៃព្រះរាជាណាចក្រកម្ពុជា និងជាប្រធានក្រុមការងារគណបក្សចុះមូលដ្ឋានខេត្តព្រៃវែង ឯកឧត្តម សួន សុម៉ាលីន អភិបាល នៃគណ:អភិបាលខេត្តព្រៃវែង បានអញ្ជើញចុះត្រួតពិនិត្យស្ថានភាពផ្លូវលំមួយចំនួន ស្ថិតនៅឃុំក្របៅ ឃុំក្រញូង និងឃុំជាច ស្រុកកំចាយមារ ខេត្តព្រៃវែង។
ឆ្លៀតក្នុងឱកាសនេះដែរ ឯកឧត្តម សួន សុម៉ាលីន អភិបាល នៃគណ:អភិបាលខេត្តព្រៃវែង និងប្រតិភូអមដំណើរក៏បានអញ្ជើញជួបសំណេះសំណាលជាមួយបងប្អូនប្រជាពលរដ្ឋរស់នៅតាមបណ្ដោយដងផ្លូវ ដើម្បីសាកសួរសុខទុក្ខអំពីស្ថានភាពក្នុងការរស់នៅរបស់បងប្អូនក្នុងមូលដ្ឋាននោះ។
ដោយមានការអញ្ជើញចូលរួមអមដំណើរពី៖ ឯកឧត្តម អភិបាលរងខេត្ត លោកនាយករងរដ្ឋបាល នាយកទីចាត់ការ ប្រធានអង្គភាពចំណុះសាលាខេត្ត ប្រធានមន្ទីរ អង្គភាពពាក់ព័ន្ធ អភិបាលស្រុកកំចាយមារ និងអាជ្ញាធរមូលដ្ឋានផងដែរ។
