ខេត្តបាត់ដំបង៖ នារសៀលថ្ងៃទី១១ខែតុលា ឆ្នាំ ២០២៤នេះនៅសាលប្រជុំធំក្នុងបរិវេណស្នងការដ្ឋាននគរបាលខេត្តបាត់ដំបងបន្ទាប់ពីបិទបញ្ចប់កិច្ចសវនកម្ម រួចមក លោកឧត្តមសេនីយ៍ទោ ដាញ់ អេងប៊ុនចាន់ ស្នងនគរបាលខេត្តបាត់ដំបងដឹកនាំប្រជុំផ្សព្វផ្សាយលំអិតអពីផែនការការពារសន្តិសុខ សណ្តាប់ធ្នាប់សង្គម ក្នុងពិធីបុណ្យអុំទូកបណ្តែតប្រទីប ខេត្តបាត់ដំបង ដែលពិធីនេះប្រព្រឹត្តិទៅនាថ្ងៃទី១៥-១៦និង១៧ខែ តុលាឆ្នាំ២០២៤នៅក្នុងស្ទឹងសង្កែ ក្រុងបាត់ដំបង។
ចូលរួមក្នុងកិច្ចប្រជុំមានលោក លោកស្រី ស្នងការរង អនុប្រធានផែន នាយ ការិយាល័យជំនាញ មេបញ្ជាការវរសេនាតូចនគរបាលការពារព្រំដែនគោក អធិការនគរបាលក្រុង ស្រុក និងមន្រ្តី នគរបាលពាក់ព័ន្ធជាច្រេីនទៀត។
ផ្អែកតាមស្ថានភាពជាក់ស្តែង ក្នុងពិធីបុណ្យនេះ គឹតចាប់ពីថ្ងៃនេះតទៅ ចរាចរណ៍នៅសង្កាត់ស្វាយប៉ោ ទាំងមូលនិងសង្កាត់រតនៈមួយផ្នែក មានការមមាញឹកខ្លាំង ដែលតម្រូវឱ្យមានការបិទចរាចរណ៍នៅផ្នែកខ្លះ ចំពោះយានយន្ត ដែលបញ្ហានេះ សូមការយោគយល់ ពីមហាជនដែលធ្វេីចរាចរណ៍នៅចំណុចទាំងនោះ ជាពិសេសការឆ្លងកាត់ស្ពាន ក្នុងសង្កាត់ទាំងពីរ ដែលភារ កិច្ចនេះសមត្ថកិច្ចនគរបាលត្រូវធានារ៉ាប់រងឱ្យខាងតែបានពីពេលនេះរហូតចប់កម្មវិធីបុណ្យជាស្ថាពរ ៕ដោយ ព្រំ ហន!
