(កំពង់ចាម) ៖ នាព្រឹកថ្ងៃសៅរ៍ ទី៣ ខែកុម្ភៈ ឆ្នាំ២០២៤ ឯកឧត្តម អ៊ុន ចាន់ដា សមាជិកគណៈកម្មធិការកណ្តាលគណបក្សប្រជាជនកម្ពុជា ប្រធានគណៈកម្មាធិការគណបក្សខេត្ត និងជាប្រធានក្រុមការងារចុះមូលដ្ឋានក្រុងកំពង់ចាម បានអញ្ជើញជាអធិបតីក្នុងពិធីសំណេះសំណាលជាមួយអង្គបោះឆ្នោតជ្រើសតាំងសមាជិកព្រឹទ្ធសភា នីតិកាលទី៥ ក្នុងសង្កាត់ទាំង៤ នៃក្រុងកំពង់ចាម នៅទីស្នាក់ការគណបក្សក្រុង។
ពិធីនេះក៏មានការអញ្ជើញចូលរួមពីសំណាក់ ឯកឧត្តម ខ្លូត ផន អនុប្រធានគណៈប្រចាំការគណបក្សខេត្ត និងប្រធានក្រុមការងារចុះជួយសង្កាត់ទាំង៤ ព្រមទាំងមន្ត្រីគណបក្សមូលដ្ឋានពាក់ព័ន្ធមួយចំនួនទៀត។
