(កំពង់ចាម)៖ ឯកឧត្តម អ៊ុន ចាន់ដា អភិបាល នៃគណ: អភិបាលខេត្តកំពង់ចាម នៅថ្ងៃទី១៦ ខែកុម្ភ: ឆ្នាំ២០២៤ សូមអាជ្ញាធរពាក់ព័ន្ធទាំងអស់ ត្រូវមានយន្តការតាមដានត្រួតពិនិត្យជាប្រចាំ នៅលើទីតាំងហាងបញ្ចាំ និងល្បែងផ្សងសំណាង ចំពោះការលក់សាច់សត្វត្រូវមានតម្លៃសមរម្យ ដែលប្រជាពលរដ្ឋអាចទទួលយកបាន និងមានអនាម័យត្រឹមត្រូវផងដែរ ។
អនុសាសន៍នេះ ត្រូវបាន ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម លើកឡើងនាព្រឹកថ្ងៃទី១៦ ខែកុម្ភៈ ឆ្នាំ២០២៤ ខណៈឯកឧត្តមអញ្ជើញដឹកនាំកិច្ចប្រជុំគណៈបញ្ជាការឯកភាពខេត្ត នៅសាលប្រជុំសាលាខេត្ត ដោយមានការចូលរួមពីអភិបាលរងខេត្ត កងកម្លាំងប្រដាប់អាវុធ នាយក នាយករងរដ្ឋបាលសាលាខេត្ត មន្ទីរ អង្គភាពជុំវិញខេត្ត អភិបាលក្រុងស្រុកទាំង១០ និងមន្ត្រីពាក់ព័ន្ធមួយចំនួនទៀត។
