(កំពង់ចាម) ឯកឧត្តម អ៊ុន ចាន់ដា អភិបាលនៃគណ:អភិបាលខេត្តកំពង់ចាម និងជាប្រធានគណៈកម្មការខេត្តប្រយុទ្ធប្រឆាំងនិងជំងឺកូវីដ-១៩ ឯកឧត្តម អ៊ុន ចាន់ដា និងឯកឧត្ដម ប្រធានក្រុមប្រឹក្សាខេត្ត និងសហការី នៅរសៀលថ្ងៃទី ២១ ខែមេសា ឆ្នាំ២០២១នេះ អញ្ជើញបន្តទទួលអំណោយ គ្រឿងឧបភោគបរិភោគ ជាថវិកា និងសសម្ភារៈបង្ការជំងឺកូវីដ-១៩ ពីសាលាគណខេត្តខេត្ត និងសប្បុរសជន ដើម្បីចូលរួមប្រយុទ្ធប្រឆាំងជំងឺកូវីដ-១៩ ជាពិសេសព្រឹត្តិការណ៍សហគមន៍ ២០ កុម្ភៈ ។
អំណោយដែលបានប្រគល់ជូនគណៈកម្មាធិការខេត្តប្រយុទ្ធប្រឆាំងជំងឺកូវីដ-១៩ នាពេលនេះរួមមាន÷
១-សាលាគណខេត្ត ឧបត្ថម្ភ ទឹកក្រូច ៣០កេស ទឹកសុទ្ធ២០០កេស និង៥០០យួរ
២-លោក គឹម ហេង និងលោកស្រី ឧបត្ថម្ភ មី ២៤កេស ម៉ាស៧៥០០កេស ទឹកសុទ្ធ៥០កេស
៣-លោកស្រី លាង ស្រ៊ី ឧបត្ថម្ភមី ៣០កេស ទឹក៣០កេស ម៉ាស់ ២.៥០០
៤-លោកស្រី ចាន់ គីមហេង ថវិកា២.០០០.០០០រៀល។
នៅក្នុងឱកាសនោះ ឯកឧត្តម អ៊ុន ចាន់ដា បានថ្លែងអំណរគុណយ៉ាងជ្រាលជ្រៅ ដល់ព្រះសង្ឃ និងសប្បុរសជនទាំងអស់ ដែលបានរួមគ្នានាំអំណោយដ៏ថ្លៃថ្លាទាំងនេះ យកមកផ្ដល់ជូនគណៈកម្មការខេត្តកំពង់ចាម ដើម្បីចូលរួមចំណែកក្នុងការប្រយុទ្ធប្រឆាំងការឆ្លងរាលដាលជំងឺកូវីដ–១៩ជាមួយរាជរដ្ឋាភិបាលកម្ពុជា។ ចៅ វង្ស i.k.
