(កំពង់ចាម) :នៅព្រឹកថ្ងៃទី១៦ ខែធ្នូ ឆ្នាំ២០២១ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម និងឯកឧត្ដម ខ្លូត ផន ប្រធានក្រុមប្រឹក្សាខេត្ត រួមជាមួយ អភិបាលរងខេត្ត, កងកម្លាំងទាំងបី, នាយករដ្ឋបាលស្តីទី និងប្រធានមន្ទីរពាក់ព័ន្ធមួយចំនួន អញ្ជើញចូលរួមកិច្ចប្រជុំពេញអង្គគណៈរដ្ឋមន្ត្រីតាមរយៈប្រព័ន្ធវីដេអូ Conference ក្រោមអធិបតីភាពដ៏ខ្ពង់ខ្ពស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នៅទីស្តីការគណៈរដ្ឋមន្ត្រី រាជធានីភ្នំពេញ ។
កិច្ចប្រជុំពេញអង្គគណៈរដ្ឋមន្ត្រី បានលើកជារបៀបវារៈសំខាន់ៗ ចំនួន៤ រួមមាន÷
១,សេចក្តីព្រាងច្បាប់ស្តីពីវិសោធនកម្មច្បាប់ស្តីពីសហគ្រាសពាណិជ្ជ។
២,សេចក្តីព្រាងច្បាប់ស្តីពីវិសោធនកម្មច្បាប់ស្តីពីវិធានពាណិជ្ជកម្ម និងបញ្ជីពាណិជ្ជកម្ម។
៣,សេចក្តីព្រាងរបាយការណ៍វាយតម្លៃពាក់កណ្តាលអាណត្តិ នៃការអនុវត្តគោលនយោបាយអភិវឌ្ឍន៍វិស័យឧស្សាហកម្មកម្ពុជា ឆ្នាំ២០២១-២០២៥ (IDP)
៤,បញ្ហាផ្សេងៗ ស្នើសុំការយល់ព្រមពីគណៈរដ្ឋមន្ត្រី ដើម្បីសុំការអនុម័តពីស្ថាប័ននិតិបញ្ញត្តិលើសេចក្តីព្រាងច្បាប់ ស្តីពីការអនុម័តព្រមព្រាងពាណិជ្ជកម្មសេរីនៅកម្ពុជា-កូរ៉េ (CKFTA)។
