(កំពង់ចាម) :នៅរសៀល ថ្ងៃទី២២ ខែធ្នូ ឆ្នាំ២០២១ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម រួមសហការជាមួយក្រុមការងារក្រសួងមហាផ្ទៃ និងអគ្គស្នងការនគរបាលជាតិ, អមដំណើរដោយអភិបាលរងខេត្ត, លោកនាយករដ្ឋបាល, លោកស្នងការ ស្នងការរងនគរបាលខេត្ត, អាជ្ញាធរស្រុកជើងព្រៃ និងមន្ត្រីពាក់ព័ន្ធ អញ្ជើញចុះត្រួតពិនិត្យការរៀបចំទីតាំងប្រារពិធី “ទិវាអន្តរជាតិរំឭកដល់ជនរងគ្រោះដោយគ្រោះថ្នាក់ចរាចរណ៍ផ្លូវគោកលើកទី១៦” ក្រោមអធិបតីភាពដ៏ខ្ពង់ខ្ពស់ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ដែលពិធីនេះនឹងប្រារព្ធធ្វើឡើងនៅថ្ងៃស្អែក ស្ថិតនៅក្នុងភូមិរវៀង ឃុំខ្នុរដំបង ស្រុកជើងព្រៃ ខេត្តកំពង់ចាម ។ ចៅ វង្ស