(ភ្នំពេញ) ៖ ហេតុការណ៍ខាងលើនេះបានកើតឡើងកាលពីវេលាម៉ោងប្រមាណ៥និង៣០នាទីព្រឹកថ្ងៃទី២៧ ខែ កក្កដា ឆ្នាំ២០២២ នៅលើស្ពានបាឡេ ដែលស្ថិតនៅក្រុម១៤ ភូមិឃ្លាំងសាំង សង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ។
រថយន្តមួយគ្រឿងដែលបុ.កបង្កាន់ដៃស្ពាននោះម៉ាក LEXUS LS460 ពណ៌ខ្មៅ ពាក់ផ្លាកលេខ រតនៈគិរី ២C-២០៣០ បើកបរដោយបុរសម្នាក់មិនស្គាល់អត្តសញ្ញាណ បានគេចខ្លួនបាត់។
តាមសាក្សីបានអោយដឹងថា នៅមុនពេលកើតហេតុ រថយន្តមួយគ្រឿងខាងលើបានធ្វើដំណើរឡើងស្ពានបេឡេ ក្នុងទិសដៅពីលិចទៅកើត លុះនៅពេលឡើងបានបន្តិច មិនទាន់ដល់កណ្តាលស្ពានផង ស្រាប់តែរ៉េចង្កូតទៅស្តំាដៃបុកបង្កាន់ដៃស្ពាន បណ្តាលឱ្យរបងដែករបាំងស្ពានវៀចបានរងការខូចខាត ចំណែករថយន្តខ្ទេចមុខ រងការខូចខាតធ្ងន់ធ្ងរ។ ភ្លាមៗអ្នកបើកបរបានគេចខ្លួនបាត់។
ទោះបីជាយ៉ាងណា គេពុំដឹងពីមូលហេតុអ្វីឡើយ ។ នៅព្រឹកនោះដែរ នគរបាលមូលដ្ឋានក៏បានទាក់ទងនគរបាលចរាចរណ៍ ចុះមកវាស់វែងរួច ស្ទួចយករថយន្តបញ្ជូន ទៅកាន់ការិយាល័យចរាចរណ៍ផ្លូវគោក ដើម្បីរង់ចាំម្ចាស់ចូលខ្លួនដោះស្រាយសងការខូចខាត៕សហការី