(បាត់ដំបង) ៖ ស្ត្រីម្នាក់ត្រូវគេប្រទះឃើញដេកស្លា.ប់នៅក្នុងរថយន្តម៉ាកព្រូសមួយគ្រឿង ដែលមានសភាពហើមស្អុយទៅហើយធ្វើឲ្យមានការភ្ញាក់ផ្អើល នៅវេលាម៉ោង៩យប់ថ្ងៃទី១៤ កញ្ញា នៅក្បែរផ្សារទំនើប «ភូពុយ» ស្ថិតក្នុងភូមិអញ្ចាញ សង្កាត់អូរចា ក្រុងបាត់ដំបង តែសមត្ថកិច្ចហាក់មានការស្ទាក់ស្ទើរ ក្នុងការសន្និដ្ឋានអំពីមូលហេតុ ។
បើតាមរបាយការណ៍សមត្ថកិច្ច ជនរងគ្រោះឈ្មោះ ប៉ិន សោភា អាយុ៣៤ឆ្នាំ ជាអ្នកគួកជេរដីឡូត៍ មានទីលំនៅក្នុងភូមិត្រពាំងជើង សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ។ ស្ត្រីរងគ្រោះបានដេកស្លា.ប់នៅក្នុងរថយន្តម៉ាកព្រូស ពណ៌ទឹកប្រាក់ ពាក់ស្លាកលេខភ្នំពេញ 2BQ-1371 ដែលមានសភាពហើមស្អុយទៅហើយ។ ក្រោយមានការភ្ញាក់ផ្អើលសមត្ថកិច្ច មិនទាន់បានចុះត្រូតពិនិត្យសាកសព ឬ ចំណុចកើតហេតុភ្លាមៗទេ ដោយសារយប់ជ្រៅទៅហើយ តែនៅព្រឹកថ្ងៃទី១៥ កញ្ញា ទើបមន្ត្រីជំនាញ និងគ្រួពេទ្យចុះធ្វើកោសល្យវិច័យសា.ក.ស.ពជនរងគ្រោះ ខណៈក្រុមគ្រួសារក៏បានមកទទូលយកសាកសពផងដែរ។
ប្រភពដដែលបានដកស្រង់ពីក្រុមគ្រួសារស្ត្រីរងគ្រោះបានឲ្យដឹងថា ជនរងគ្រោះបានចេញបាត់ពីផ្ទះជាមួយនឹងរថយន្ត កាលពីថ្ងៃទី១១ កញ្ញា ហើយបាត់ដំណឹងឈឹងតែម្ដង សូម្បីទូរស័ព្ទក៏បិទមិនអាចទំនាក់ទំនងគ្នាបានដែរ។ សាច់ញាតិបាននិយាយថា ការបាត់ដំណឹងរបស់ជនរងគ្រោះ ក្រុមគ្រួសារគ្មានតម្រុយ និងមិនបានដឹងពីគោលដៅរបស់ជនរងគ្រោះឡើយ លុះមានការផ្សព្វផ្សាយតាមបណ្ដាញសង្គមព្រោងព្រាត ទើបក្រុមគ្រួសារបានដឹង ហើយក៏ធ្វើដំណើមកមើលសាកសពទាំងយប់តែម្ដង ។ កម្លាំងសមត្ថកិច្ចគ្រប់ស្ថាប័នបានចុះទៅកាន់កន្លែងកើតហេតុ ដើម្បីពិនិត្យសា.ក.ស.ព រួមទាំងក្រុមគ្រួពេទ្យ និងមន្ត្រីនគរបាលបច្ចេកទេសផង ។
លោក ពេជ្រ សារ៉ែន អធិការក្រុងបាត់ដំបង ហាក់មានការស្ទាក់ស្ទើរក្នុងការផ្ដល់ព័ត៌មានជុំវិញការស្លា.ប់របស់ជនរងគ្រោះ។ លោក ពេជ្រ សារ៉ែន គ្រាន់តែបានបង្ហើបយ៉ាងខ្លីថា បើតាមការត្រូតពិនិត្យរបស់មន្ត្រីជំនាញ ការស្លា.ប់របស់ស្ត្រីរងគ្រោះអាចជាអំពើ «ឃា.ត.ក.ម្ម» ។ មន្ត្រីជំនាញដែលបានចុះទៅកាន់កន្លែងកើតហេតុបានឲ្យដឹងថា បើតាមការពិនិត្យស្ត្រីរងគ្រោះអាចត្រូវជនដៃដល់ «កា.ច់បំ.បា.ក់.ក» ស.ម្លា.ប់ចោលនៅក្នុងរថយន្ត រួចជនដៃដល់គេចខ្លួនបាត់ ។ ប៉ុន្តែគេមិនទាន់ហ៊ានវាយតម្លៃថា «វាជាអំពើប្លន់ ឬ ជាអំពើឃា.ត.ក.ម្ម» នោះទេ តែប្រភពខ្លះបានដាក់ការសង្ស័យថា អាចជាអំពើ«ប្លន់» តែបើជាអំពើ«ឃា.ត.ក.ម្ម» ជនដៃដល់និងជនរងគ្រោះ ក៏អាចជាមនុស្សស្គាល់គ្នាដែរ ។
ប៉ុន្តែយ៉ាងណា ពេលនេះសមត្ថកិច្ចជំនាញ បាននិងកំពុងសហការជាមួយក្រុមគ្រួសារជនរងគ្រោះ ដើម្បីស្រាវជ្រាវស្វែងរកមូលហេតុពិតហើយ ។សហការី
