(កំពង់ឆ្នាំង) ៖ កាលពីវេលាម៉ោង ១០និង២៩ នាទីព្រឹក ថ្ងៃទី១៤ ខែវិច្ឆិកា ឆ្នាំ២០២២ ម្សិលមិញ មានករណីអគ្គិភ័យឆាបឆេះផ្ទះបងប្អូនប្រប្រជាពលរដ្ជចំនួនពីរគ្រួសារ ដែលស្ថិតនៅភូមិឆ្នុកទ្រូ ឃុំឆ្នុកទ្រូ ស្រុកបរិបូណ៍ ខេត្តកំពង់ឆ្នាំង ។
ករណីគ្រោះអគ្គីភ័យខាងលេីនេះ បណ្តាលមកពីឆ្លងចរន្តអគ្គីសនីបង្កជាអណ្តាតភ្លេីងឆាបឆេះឡេីងតែម្ដង។
ផ្ទះដែលរងការឆាបឆេះខាងលេីនេះជាផ្ទះរបស់៖១/ឈ្មោះ ឡេ យ៉ាំងសា ភេទប្រុស អាយុ៦៣ឆ្នាំ ជនជាតិវៀតណាម ផ្ទះមានទំហំ ១២ × ៤,៧០ម៉ែត្រ ជញ្ជាំងស័ង្កសី ដំបូលប្រក់ស័ង្កសី រនាបក្ដារ ឆេះអស់ទាំងស្រុង។ ២/ឈ្មោះ សុខា ប៊ុណ្ណារិទ្ធិ ភេទប្រុស អាយុ៥៤ឆ្នាំ ជនជាតិខ្មែរ មានផ្ទះចំនួន០២ខ្នង ផ្ទះទី១ មានទំហំ ១៨×១១ ម៉ែត្រ រនាបក្ដារ ជញ្ជាំងក្ដារ ដំបូលប្រក់ស័ង្កសី ជាផ្ទះរស់នៅ និងដាក់សម្ភារះលក់ដូរ ផ្ទះទី២ មានទំហំ ១១×៩,៥០ ម៉ែត្រ រនាបក្ដារ ជញ្ជាំងក្ដារ ដំបូលប្រក់ស័ង្កសី ជាផ្ទះដាក់ឥវ៉ាន់លក់ ត្រូវឆេះអស់ទាំងស្រុង។
ក្នុងកិច្ចប្រតិបត្តិការសង្គ្រោះ រថយន្តពន្លត់អគ្គិភ័យរបស់អធិការរដ្ឋាននគរបាលស្រុកបរិបូណ៌ មិនអាចជួយសង្គ្រោះបានមកពីផ្ទះប្រជាពលរដ្ឋនៅលើទឹក ហើយក្នុងករណីអគ្គិសនីភ័យនេះមិនមាន គ្រោះថ្នាក់ដល់ជីវិតមនុស្សឡើយ៕សហការី