(ភ្នំពេញ) ៖ កម្លាំងសមត្ថកិច្ច នៃអធិការដ្ឋាននគរបាលខណ្ឌពោធិ៍សែនជ័យ បានឃាត់ខ្លួនជនសង្ស័យចំនួន ០២នាក់ ខណៈបក្ខពួកម្នាក់ទៀត បានជិះម៉ូតូគេចខ្លួនបាត់ ក្រោយពីបានធ្វើសកម្មភាពឆក់ខ្សែ.កមាស របស់ប្រជាពលរដ្ឋ នេះបើតាមស្នងការដ្ឋាននគរបាលរាជធានីភ្នំពេញ ។
ករណីលួច(ឆក់ខ្សែក)នេះ កើតឡើងនៅវេលាម៉ោងប្រហែល១១និង១០នាទីព្រឹកថ្ងៃទី២៥ ខែវិច្ឆិកា ឆ្នាំ២០២២ នៅចំណុចផ្លូវបេតុង ភូមិចាក់ជ្រូក សង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ ។
ជនសង្ស័យដែលសមត្ថកិច្ចឃាត់ខ្លួនបាន រួមមាន ៖ ទី១. ឈ្មោះ គង់ ផានីត ភេទប្រុស អាយុ២០ឆ្នាំ មុខរបរមិនពិតប្រាកដ ស្នាក់នៅភូមិវិមានទ្រង់ សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ ។ និងទី២. ឈ្មោះ ហៀង សុខហៀង ភេទប្រុស អាយុ២០ឆ្នាំ មុខរបរមិនពិតប្រាកដ ស្នាក់នៅភូមិវិមានទ្រង់ សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ ។
បច្ចុប្បន្ន ជនសង្ស័យទាំង២នាក់ខាងលើ កំពុងឃុំខ្លួននៅអធិការដ្ឋាននគរបាលខណ្ឌពោធិ៍សែនជ័យ ដើម្បីសាកសួរ និងរៀបចំសំណុំរឿងបញ្ជូនទៅសាលាដំបូងរាជធានីភ្នំពេញ អនុវត្តបន្តតាមនីតិវិធីច្បាប់ ៕សហការី
