(កណ្តាល) ៖ ត្រឹមតែរយៈពេល៣ថ្ងៃប៉ុណ្ណោះ មានអ្នកជួបវិបត្តិខូចចិត្តលែងចង់រស់ បានឡើងទៅលើស្ពានអ្នកលឿងហៅស្ពានត្សឹបាសា ហើយទឹកសម្លា.ប់ខ្លួន២នាក់ ទាំងដែលនៅលើស្ពាននោះតែងមានសមត្ថកិច្ច២ខេត្ត នៅប្រចាំការទាំងព្រឹកទាំងល្ងាច តែមិនអាចជួយរារាំងបាន ។
ជាក់ស្តែង កាលពីវេលាម៉ោងប្រមាណ១០និង២០នាទីព្រឹកថ្ងៃទី២៤ ខែធ្នូ ឆ្នាំ២០២២កន្លងទៅ មានបុរសម្នាក់ឈ្មោះ រិន ឌីណា អាយុ៣០ឆ្នាំ ស្រុកបានជិះម៉ូតូឡើងមកលើស្ពានអ្នកលឿង ហើយលោ.តពីលើស្ពានចូលទៅក្នុងទន្លេបាត់ ដោយបន្សល់ទុកម៉ូតូ និងទូរស័ព្ទមួយគ្រឿងនៅលើស្ពាន ។ ភ្លាមៗនោះ សមត្ថកិច្ចខាងស្រុកលើកដែក ខេត្តកណ្តាល បានចេញអន្តរាគមន៍ជិះទូកតាមរកភ្លាមៗ និងបានទាក់ទងតាមរយៈទូរសព្ទ័ដែលបន្សល់ទុក ហៅប្រពន្ធជនរងគ្រោះមកកាន់អធិការដ្ឋាននគរបាលស្រុកសួរនាំ ទើបដឹងថា ជនរងគ្រោះមានជម្លោះទាស់ទែងជាមួយប្រពន្ធច្រើនថ្ងៃមកហើយ ។ នៅពេលឈ្លោះប្រកែកគ្នាម្តងៗតែងគំរា.មប្រពន្ធថា នឹងទៅលោ.តទឹកសម្លា.ប់ខ្លួនពីលើស្ពានអ្នកលឿង តែប្រពន្ធមិនជឿ ។
លុះនៅថ្ងៃកើតហេតុ ឃើញប្តីជិះម៉ូតូចេញទៅធម្មតាមិនចាប់អារម្មណ៍ និងស្មានថាទៅធ្វើការ រហូតដល់ថ្ងៃរសៀលទើបមានគេទូរស័ព្ទប្រាប់ថា ប្តីរបស់នាងបានលោ.តទឹកពីលើស្ពានអ្នកលឿងស្លា.ប់បាត់ទៅហើយ ។
ករណីនេះ សមត្ថកិច្ចស្រុកលើកដែកបានព្យាយាមតាមរកស.ពនៅក្នុងទន្លេ អស់រយៈពេល៣ថ្ងៃ គឺរហូតមកដល់វេលាម៉ោង៦ព្រឹកថ្ងៃទី២៦ ខែធ្នូ ឆ្នាំ២០២២ ទើបរកឃើញនិងស្រង់ស.ពបាន រួចប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណី ។
រឿងដែលមិននឹកស្មានដល់នោះ គឺរំលងបានតែមួយថ្ងៃប៉ុណ្ណោះ នៅវេលាម៉ោងប្រមាណ៦ព្រឹកថ្ងៃទី២៧ ខែធ្នូ ឆ្នាំ២០២២ ស្រាប់តែមានបុរសម្នាក់ទៀតអាយុប្រហែល៣០ឆ្នាំដែរ បានឡើងមកលោ.តទឹកពីលើស្ពានត្សឹបាសាហៅស្ពានអ្នកលឿងនេះទៀត ដោយបន្សល់ទុកតែស្បែកជើងផ្ទាត់ពណ៌ស១គូប៉ុណ្ណោះ នៅលើបង្កាន់ដៃស្ពាន ។ មកដល់ពេលនេះ សមត្ថកិច្ចស្រុកពាមរក៍ ខេត្តព្រៃវែង នៅមិនទាន់រកឃើញស.ពបុរសរូបនេះនៅឡើយទេ ហើយគេក៏មិនទាន់អាចដឹងពីមូលហេតុនៃការលោ.តទឹកនេះដែរ ។
ទោះជាយ៉ាងណាក៏ដោយ ប្រភពព័ត៌មានក្រៅផ្លូវការជាច្រើនបានលើកឡើងដូចៗគ្នាថា បុរសនេះមានឪពុកម្តាយជាគ្រូបង្រៀននៅអនុវិទ្យាល័យអ្នកលឿង និងមានទីលំនៅក្នុងភូមិ៥ ឃុំព្រែកខ្សាយ«ខ» ស្រុកពាមរក៍ ខេត្តព្រៃវែង ។ បុរសនេះទើបចេញពីមណ្ឌល ដូច្នេះទើបគេសង្ស័យថា ការលោ.តទឹកនេះទំនងជាមានវិបត្តិផ្លូវចិត្តហើយលែងចង់រស់ ។
យ៉ាងណាក៏ដោយ នេះគ្រាន់តែជាប្រភពក្រៅផ្លូវការប៉ុណ្ណោះ ឯការពិតយ៉ាងណានោះ គឺត្រូវរងចាំរកឃើញសពនិងសាច់ញាតិស.ព អះអាងបំភ្លឺទើបអាចយកជាផ្លូវការបាន ៕សហការី